人人愛做Spa，無他，做完Spa唔單止成身輕鬆晒，皮膚滑啲，人都靚啲。不過Spa不一定靠人手，搵魚醫生幫口一樣得。來到吉隆坡出名的Fish Spa，雙腳放在水中，魚仔就會幫你啄去死皮，替你靚腳做Spa。
特派記者：羅安琪
Fish Spa在日本和韓國很流行，來到吉隆坡一樣有，Kenko Fish Spa就在最新落成的Pavilion大型商場內，店內採用落地玻璃設計，讓大家享受天然陽光之餘，更可以邊浸邊俯瞰外面景色。
這裏的魚醫生來自土耳其近坎加爾河谷的溫泉地帶，會幫你咬去腳上的死皮，使皮膚滑不留手，牠們一下一下的啄食，據說有按摩作用之餘更可促進血液循環呢！當我把腳放落水中時，立刻引來大堆魚群「爭食」，有些細如手指尾，輕輕的啄食，好痕呀！後來更引來幾條3吋長的大魚來，難道我雙腳真的那麼吸引？只見牠們咬得有勁，像做按摩一樣，感覺真爽，不過幾十條一齊向我攻擊，真的有點招架不住，坐在旁邊的女孩子們，更嚇到依嘩鬼叫，之後又痕到哈哈大笑，怪不得說魚醫生可有助紓緩緊張壓力啦，做完Fish Spa後不但雙腳滑溜溜，心情亦輕鬆了不少呢！
兩位靚女都話畀魚啄好好玩喎！
在落地玻璃窗前，大家可以俯瞰靚景兼做Fish Spa。
Fish Spa一次可容納三十人一齊浸，一班朋友來玩最飱。
你睇！真係有好多魚來啄死皮，好痕鮁！
Kenko Reflexology &Fish Spa
地址：Lot 5.01.09,Level 5,Pavilion Kuala Lumpur,168Jalan Bukit Bintang,55100Kuala Lumpur
電話：（60）321416552
收費：Fish Spa RM$38（約HK$88）起/30分鐘、按摩RM$78（約HK$179）起/45分鐘
