《死亡筆記》都完咗年幾兩年，L （松山研一）已經轉行打band 拍《爆粗Band 友》真人版，《DN 》作者大場鶇同畫家小
健今個星期起亦會喺《EX-am 》刊登新作，兩個主角一個係天才作家、一個就係少年馬榮成，佢哋唔玩推理、唔寫筆記，而係一齊搞漫畫。
呢套《爆漫》唔係一般勵志作品，故仔講兩個性格南轅北轍嘅畢業生，一個就想甘於平凡，一個就想畫出彩虹，火星撞地球下決定合作畫漫畫，喺搞漫畫嘅探索過程中，佢哋仲會發現日本漫畫界嘅秘聞異事，例如日本太多漫畫家，1000人中只有1個係可以發達，其他999個就飯都冇錢開，生存率不足0.001%！
嘩，呢啲嘢都敢寫？小弟以前都聽到好多日本漫畫界黑幕，例如女編輯溝掂紅作家後向前輩報仇雪恨，呢啲就好同我踢爆埋佢啦！
（《爆漫》將於8月27日起在《EX-am 》週刊連載）
小
健嘅畫功比較活躍同粗線條，冇《DN 》時咁斯文幼細。
主角真城最高幾似夜神月，心里好想做漫畫家，但性格循規蹈矩，唔想阿媽擔心，雖然畫得一手靚畫，都決定讀大學做白領。
金毛仔高木秋人係高才生，但其實唔多想繼續升學，佢性格比較異想天開，成日幻想自己會因為漫畫而搵大錢。
對白仲玩番死亡筆記添！Why so serious ？
而女主角美保就夢想做配音員。嘩，日本啲配音公司，聽講好鍾意搞妹妹仔喎，唔知小
健會唔會踢爆呢個黑幕呢？
呢格係講Izura 被一種「幸福之汁」噴到一面都係，並非拍緊AV 。
同場加映 《地獄老師》拍檔新作爆胸
一個寫、一個畫呢種漫畫組合多的是，例如《地獄老師》嘅真倉翔同岡野剛，佢哋以前畫Ⅰ級書時已偷偷將小學生畫到38G 咁嘅身材，而家就名正言順畫青年漫畫《靈媒師Izura 》，美其名係畫大胸女靈媒捉邪捉妖，其實頁頁都畫埋啲日本三仔場面，意識相當大擔。
