睇showgirl 呢家嘢，向來是寧濫莫缺，今年動漫電玩節2008，正門入口剛好有兩team 囡囡左右門神地為動漫節搞氣氛（唔怪得搞到入口塞死晒）！先講吓XBox360，佢今年玩高清列車，啲囡囡個個扮成車站服務員，頭上頂帽仔帶出不能言喻嘅制服誘惑。
影此相之人一定係女仔，如果唔係點會走去sharp 支湯，唔sharp 後面兩隻湯碗……
Gama 今年有句slogan 叫「美女盡在撕衫衫」（原文其實係C33，它們的攤位編號），令絕少工作時影囡囡嘅我都有衝動去影底寫blog 。
XBox360的白底綠邊車長制服，唔算露得多，但電車男同龍友一樣影得開心。
變形金剛囡囡套衫超怪，柯柏文心口有兩杯四方果jelly ，麥加登手上又有條黑色巨腸，幾搞笑！
我幾鍾意呢件奧運體操囡囡，不過佢係1款叫Mimo 的figure 公仔，唔係真人。
拉屎藏
至於Gamania 呢？開show 前我仲寸PR ：「人哋有三條黑柴，你得件落機兒唔夠鬥喎！」誰知電話對面卻不慌不忙，話叫我開show 留意吓。星期六，不得了！原來Gamania 搵咗風頭躉趙碩之做《赤壁online 》代言人，四葉女佢仲懶係搞gimmick ，帶備熱湯踩場探model 師妹仔Yumi 班，實情就係用一對「湯碗」向在場fans 問好！懶理隻game 同電影有冇關係，我要一隻「赤Big 」啊！唔該！
