好快又到聖誕佳節，唔少人已經計劃好行程，不過，選擇自由行，當然想慳得就慳，盡最後人事格盡平價機票同住宿。
上網搵最快，有相又有網友評語，又可以直接同酒店或航空公司訂位，慳番旅行社手續費，仲抵。
民宿格價
計劃自由行，酒店錢佔一半預算，最好就愈平愈好。要搵最平，首選民宿。推介使用Hostelworld 網站，羅列七十個國家以上的民宿資料，有齊價錢、房間空置資訊，房租價錢可以轉換成不同貨幣單位，例如可以轉成港幣，方便計價。網站內仲有民宿的設施相片、地圖，以及曾入住的旅客意見，唔使慢慢搵。
得閒click ︰
www.hostelworld.com
揀選其中一間民宿，就會有房租、相片等資料，亦可即時上網訂房。
附有地圖功能，俾你睇清楚離JR 站有幾遠。
網內記載了各國民宿的詳細資料。
一折機票
而家返內地旅行，精明人士會上深圳搭飛機，因為機票錢至少平兩三成。未算最抵！因為在國內最大的中文旅遊網站Qunar.com 內，除了可搜尋國內的機票價格，更設有特價機票區域，提供低至一折的超平機票，如深圳至上海，單程最平只須RMB280，換轉由香港直飛，最平都要HK$1,500，平好多！買飛只須用信用卡，驚唔夠安全？交易系統有SSL 安全保護。特價機票限制於指定日期及時間使用，焗住「將假就飛」，欠缺靈活性。想買到平飛，就要經常上網check ，吼到筍盤，先好返公司請假去旅行。
得閒click ︰
www.qunar.com
輸入地點後，搜尋器會詳列所有機票資料。
設有特價專區，提供低至一折機票優惠。
聲畫分享
無論正在國外旅行歎世界，或去完旅行都好，大家當然有唔少難忘、值得回憶的珍貴相片想同親友分享。單單放相上網，打幾個字交代相片內容，唔夠傳神，不如試用GoldMail ，製作一段有聲slide show 。大家只要登入成為會員，就可以免費下載GoldMail 軟件，然後利用軟件上載相片。有齊加標題、文字等基本功能，將相片排完播放次序後，更可以錄製一段不多於5分鐘的旁白，在播相時同步播放。完成後有一條link ，可以send 俾朋友「晒命」。
得閒click ︰
www.goldmail.com
完成後有一條link ，可以放上blog 或email 俾朋友睇。
1.登入後，先揀選要上載的相片。
2.上載後，可於相片上加上文字注釋。
3.點選第一張相，然後按「Record 」掣，就可開始錄音。之後按「Next Slide 」，順次序為每張相錄音。
露宿機場
網頁顯示最受歡迎及最討厭機場榜，法國戴高樂機場最乞人憎。
有頭髮就冇人想做癩痢，但旅行時每每因為意外事故，被迫滯留機場， 幾轉都未走得。有人竟然苦中作樂，建立網站，邀請全球受害者，齊齊分享 機場經驗。不單有各地機場設施介紹，更提供「好 位」，以及邊個機場多保安趕客等資料。最新評分，香港赤 角機場排名第二，僅次新加坡。下次唔好彩滯留機場，不妨影幾張相，寫段評論放上網，幫人又可以打發無聊時間。
得閒click ︰
www.sleepinginairports.net
GEEK 友話︰手指睇戲
家陣唔少用家都鍾意將影片，放入大容量記憶卡拎出街，再插入唔同的電腦播放。不過，用電腦芒睇始終較細，SanDisk 即將推出一個內置大容量記憶體手指「Sansa TakeTV 」，備有4GB 及8GB 兩個版本，用家將影片放入手指後，可利用TV out 功能，將影像輸出到電視收睇。機背仲有遙控功能掣，好使好用。支援MPEG-4、DivX 、XviD 格式檔案，最高可輸出720×576解像度影片。
TakeTV 體積小巧，竟配備遙控功能。
PS3防毒
Sony 推出的家庭遊戲機PlayStation 3（PS3）內置瀏覽器，只要接通互聯網，就可以上網瀏覽。因為一直冇防毒軟件，上網其實都幾危險。不過，上星期防毒軟件開發商Trend Micro 終於為PS3加入保安功能，只要機主將firmware 升上2.0版本，保安功能就會自動免費載入PS3內，上網時會幫你把關，防止進入虛假或匿藏病毒的網站。仲有過濾功能，可防止屋企小朋友誤闖暴力或成人網站，當然，你想幾時閂番都得。
