七月亦已近尾聲~
近排的市況就像悶熱的天氣般令人提不起勁~
整個七月恒指只係在21000-23000內徘徊~
大家好像缺乏左一個方向~升又升唔穿~跌又跌唔落~
奧運開幕來臨~大眾的情緒傾向較為樂觀~托市之言四處皆聞...
但如果各位有留心及研究下中國的政治習慣~
就知道係奧運如此的舉世盛事下~究竟穩住股市及托市是否中央的首要任務呢...
大家又試諗下恒指自舊年817後到31958的升幅~究竟係外資的貨多還是阿爺的貨多...
真正的資金自由行其實係從來都未發生過~只係一個傳說...
所以大家還是別對阿爺會在奧運托市存有太大的期望...
說回大市~
呢個月的悶局~暫時都觀察唔到有乜明確方向~好友淡友都沒多大勇氣去試對方的實力~
大方向就一路都冇變~仍然維持熊三未完~
後市只有反彈沒有升幅~一浪低於一浪的格局~
5/8-8/8呢幾日大市有好大機會會向下逆轉~
係5號前相信大市仍會係悶局~大家可以小心留意呢幾日的變化~
如果今個星期恒指能夠試23500-24200~則5號-8號市況會逆轉的機會更會大大提高~
目標係試9-10月試穿20000點水平~
