林保怡再唱《偷窺》劉美君：諗佢都好開心
[img]http://static.apple.nextmedia.com/images/apple-photos/apple/20170816/large/16ec5p1a.jpg[/img]劉美君透露個唱會有十個唔同背景。資料圖片
劉美君08年憑《我不賣身、我賣子宮》攞過金馬影后，其實佢喺唱歌方面更早打響名堂，86年初出道唱《午夜情》一炮而紅，18歲已經唱盡情慾歌，當年同林保怡（Bowie）合唱《偷窺》更加唱到街知巷聞。10月將於紅館舉行「千色演唱會」嘅劉美君，據知請到林保怡出山開金口，為個唱擔任嘉賓再續《偷窺》情緣。
[img]http://static.apple.nextmedia.com/images/apple-photos/apple/20170816/large/16ec5p2a.jpg[/img]
劉美君好開心請到林保怡做演唱會嘉賓。資料圖片
[img]http://static.apple.nextmedia.com/images/apple-photos/apple/20170816/large/16ec5p3a.jpg[/img]
一向隨意嘅劉美君，08年曾拉睇騷嘅梁家輝上台擒啜。
[b]「把聲同我好襯」[/b]
劉美君好開心請到林保怡做嘉賓，佢接受電話訪問時表示：「其實我哋識咗好耐，佢出道遲我兩年，我哋同一間公司，好開心同佢唱《偷窺》，真係好勁嘅作品，不但好聽，我一直同Bowie講，冇人可以唱番佢嘅key同聲，我成日覺得佢把聲同我好襯，今次可以再合作，非常之興奮，我諗佢都好開心，大家都好期望有新火花。」
當年出道做歌手嘅林保怡，仲同鄭秀文爭過新人獎，推出過幾張唱片，今次出山再唱《偷窺》令人驚喜，劉美君更表示：「我個騷有十個唔同背景，我哋會做60年代嗰part。講多樣嘢畀你知，如果我要唱《一對舊皮鞋》，就係古裝嘅背景，我做古裝呀！」據知劉美君會喺演唱會扮史上最強淫婦潘金蓮，唔知係咪扮潘金蓮唱《一對舊皮鞋》呢！到時佢亦會喺台上玩埋換衫，滿足觀眾視覺享受。
撰文：馮仁昭
from:[url]http://hk.apple.nextmedia.com/entertainment/art/20170816/20122414[/url]
劉美君用萬能膠防走光
[img]http://static.apple.nextmedia.com/images/apple-photos/apple/20170827/large/27ec2p9.jpg[/img]劉美君自認奄尖，不斷修改與林保怡的合唱歌。
劉美君於10月在紅館舉行演唱會，昨日在尖沙嘴與歌迷見面時，表示心情緊張又興奮，因到時在台上又唱又演兼換衫，會有很多事項要記。而她與林保怡合唱《偷窺》新版本仍未完成，她說：「我好奄尖不斷改，本來拍心口三日變三星期，但就快可以錄。」而演唱會嘉賓不多，林保怡會孭重飛演出。
將會以故事形式演出的劉美君，在台上換造型，她指不怕走光：「咁多年我冇走過光，其實走光唔易，視乎你畀唔畀佢走光，我嗰個年代嘅歌手係唔走光，老經驗，就算要用萬能膠都唔會令呢啲嘢發生。」另外，她怕分心，不讓家人回港睇騷。
採訪：王連連
攝影：仇志德
from:[url]http://hk.apple.nextmedia.com/entertainment/art/20170827/20133665[/url]
頁:
[1]
