蕭潤邦愛的紋身向江若琳求婚
[img]http://static.apple.nextmedia.com/images/apple-photos/apple/20170614/large/14ec5p1.jpg[/img]江若琳（Elanne）同生煎包王子蕭潤邦（Oscar）公開戀情後，不停曬恩愛，Oscar為咗𠱁女友，更加喺左手紋咗個愛的紋身，係一個皇冠配E字嘅圖案，意思係女友就係女王。Oscar經營嘅正宗上海生煎皇噚日喺大埔開分店，Elanne以「老闆娘」姿態同男友一齊出席開張儀式。Oscar講到愛的紋身：「我都係第一次紋呢啲嘢，個紋身師傅話紋英文字好叻，梗係紋個E字，媽咪唔會呷醋，媽咪係紋喺個心入面。」冧到爆嘅Elanne就話：「好開心，佢自己有份設計，佢係一個好浪漫嘅人。」
[img]http://static.apple.nextmedia.com/images/apple-photos/apple/20170614/large/14ec5p2.jpg[/img]
蕭潤邦將代表Elanne的「E」字紋在左手上。
[b]未來奶奶勁讚[/b]
講到Elanne好「旺夫」，男友最近連開多舖擴充生意，佢哋即刻合拍地扯開話題。問有冇分股畀女友，佢哋即一齊話工作要分得清楚。問到Oscar幾時求婚？Oscar承認有安排：「會啦﹗到時會通知大家。」Elanne話未幻想過男友求婚嘅情景：「等驚喜，佢咁鍾意畀驚喜我。」會唔會趁旅行造人？Oscar即話好忙，要做好間舖先。Elanne以內地形容詞回應：「嘩﹗你哋打黃槍（講有味笑話）！」另外，Elanne嘅未來奶奶好怕醜，唔肯出鏡，不過Oscar話媽咪大讚女友又靚、又好、又孝順。
撰文：馮仁昭
from:[url]http://hk.apple.nextmedia.com/entertainment/art/20170614/20054845[/url]
江若琳跟得女友
今年廿九歲嘅江若琳，舊年底同內地相聲界演員男友曹雲金分手後，就單身咗幾個月，早排佢有新戀情，就係同「生煎包王子」蕭潤邦（Oscar）拍拖。其實之前Oscar有個拍咗拖幾年嘅空姐女友，仲去到求婚階段，但估唔到佢突然搭上、識咗十年嘅好朋友江若琳。近呢幾年Oscar嘅生意愈撈愈掂，已擁有六間生煎包店同西餐廳，近排再開多間喺大埔，佢同東姑講：「唔想因為拍拖而賣弄大眼妹（江若琳）嘛，我做好我嘅生煎包，佢就唱好佢嘅歌同拍戲，我哋一齊努力，我同佢講，你唔使驚，日日有飯開，日日有包食，唔會餓親。」不但把口夠甜，Oscar仲靜雞雞去將女友英文名Elanne嘅E字紋上身，寓意一生一世；江若琳亦識做，得閒即嚟做跟得女友，落舖做生招牌！
[img]http://img.eastweek.com.hk/resources/67820/1.jpg[/img]
[b]Oscar喺〇四年以組合Bliss入行，退出娛圈後就做飲食生意，以生煎包打響名堂，[/b]
[img]http://img.eastweek.com.hk/resources/67820/2.jpg[/img]
[b]江若琳舊年年底同內地男友曹雲金分手，單身咗一輪，[/b]
[img]http://img.eastweek.com.hk/resources/67820/3.jpg[/img]
[b]Oscar早年曾跟2R嘅黃婉伶（Race）及衞蘭（Janice）傳緋聞，不過睇嚟今次佢對江若琳好認真。[/b]
江若琳患手足口病
[img]http://static.apple.nextmedia.com/images/apple-photos/apple/20170722/large/22ec3p6.jpg[/img]江若琳昨日在會展出席健康飲品活動，自爆日前患上手足口病：「發燒到40度，喉嚨潰爛，一星期食唔到嘢，去醫院又排長龍。」她慶幸有男友蕭潤邦貼身照顧。
今年9月是江若琳入行十周年，會舉行音樂會慶祝，她說：「想練到有人魚線、馬甲線。」她表示男友會贊助工作人員膳食。同場的狄易達投資6位數字，籌備下月舉行戶外跳舞騷。
採訪：王連連
攝影：陳俊強
from:[url]http://hk.apple.nextmedia.com/entertainment/art/20170722/20097481[/url]
蕭潤邦填詞冧江若琳
[img]http://static.apple.nextmedia.com/images/apple-photos/apple/20170812/large/12ec2p50.jpg[/img]江若琳演唱會主題曲，由男友蕭潤邦和一班兄弟創作。
江若琳將於下月9至10日在九展開騷紀念入行十周年，她希望為演唱會寫一首主題曲，道出十年工作感受，男友「生煎包王子」蕭潤邦（Oscar）曾是男子組合Bliss成員，加上他跟江若琳同期出道，互相了解，所以請纓為女友寫歌。
Oscar碌盡人情卡，找來Mr.的Dash、前組合Swing的Jerald和商台DJ細So幫拖創作了這首新歌《我只不過是我》，Oscar親手填詞，令女友十分感動，江若琳昨回應：「多謝佢搵班咁出色兄弟撐我，為我度身訂做一首屬於我嘅主題曲，佢真係好了解我。」Oscar出山填詞：「我通頂咗三日，頭兩日腦閉塞填唔出，第三日思緒出嚟。」
採訪：陳杰
from:[url]http://hk.apple.nextmedia.com/entertainment/art/20170812/20118718[/url]
蕭潤邦求婚成功江若琳準備做人妻
[b]蕭潤邦求婚成功江若琳準備做人妻[/b]男友蕭潤邦37歲生日，身為女友嘅江若琳就送咗一個驚喜嘅生日會俾佢，不過原來佢畀驚喜男友，男友都畀驚喜佢，就係同佢求婚！冧到江小姐笑到見牙唔見眼！真係恭喜，恭喜！
[img]http://img.eastweek.com.hk/resources/74441/1.jpg[/img]
[b]蕭潤邦37歲生日，身為女友嘅江若琳就送咗一個驚喜嘅生日會俾佢。[/b]
[img]http://img.eastweek.com.hk/resources/74441/2.jpg[/img]
[b]點知佢畀驚喜男友，男友又畀返驚喜佢，同佢求婚，真係恭喜！恭喜！[/b]
頁:
[1]
