寫真集市場豪乳氾濫，有驚無喜，但新血依然年年上市；今年更新增一班歌手加入，其中以蔚雨芯的32D真胸半裸上陣最有睇頭，魔鬼胸搶先在六月中出閘。緊貼的嘉欣BB、連詩雅、楊愛瑾則以三點式出擊，玩矜貴初露。
𡃁模搵食難，歌手同樣唔見風光，十九歲蔚雨芯坦言呢鋪搏到盡，冇得輸！
寫真半裸半裸上陣出寫真，充滿誘惑的蔚雨芯，吸引埋台灣及新加坡的發行商為她海外催谷。
真胸上陣露半球，令人充滿遐想，引死宅男。
小蠻腰加魔鬼胸，十九歲的她演繹卜卜脆誘人身材。
寫真唔少得床照，32D蔚雨芯倒奶性感恰如其分，不浮誇！
首次真胸上陣，蔚雨芯顯得小心翼翼，故化妝師幫手拉起件衫時，要𥄫到實，以防露得過火位。
自己搵出版商去年蔚雨芯隨阿叻到墨西哥拍旅遊特輯，憑一幕32D餌誘魔鬼魚從此被封「魔鬼胸」。當天王天后賣碟都得幾千張的市況下，曾在校際歌唱比賽獲獎無數的蔚雨芯，入行兩年更加無乜收穫。難得被塑造成「魔鬼胸」，食住上放低歌手包袱，出半裸寫真搏一鋪！
蔚雨芯出寫真是為勢所迫。「我喺細規模嘅公司出身（陳百祥揸旗的Snazz），唔會有好多budget捧新人，所以我同走咗嘅師姐JJ一樣，一直都係自力更生靠自己。我等咗四年，出道兩年，要搏就趁仲後生。今次出寫真都係我同啲同事搵投資者返嚟。
「我唔係簽大公司，電台唔會睬我，出寫真可以配合新歌宣傳，就算電台唔播，至少都有機會引起外界注意。依家做歌手唔可以再獨沽一味，出寫真係想搵更多出路，希望有電影同廣告拍，就算屋企唔使我養，我都想賺錢，唔使再攤大手板做人。」蔚雨芯說。
有樣有身材的蔚雨芯，不單唱得跳得，仲好畫得。她不時把畫作放上微博，早前她把半裸寫真相畫成自畫像，畫功不錯，可謂聲色藝俱全。
半裸冇扭擰目標清晰！布吉五日四夜的拍攝之旅，倒奶蔚雨芯由三點式到半裸，一副戰鬥格。半裸照原本構思是雙手遮胸，埋位時攝影師突然改變主意，變為美腿壓胸，遮得更少。
防線下降，處女下海的蔚雨芯毫不猶豫，照單全收。一聲清場，只留下化妝師及攝影助理幫忙擺好姿勢，確保防漏功夫做好後，便從容剝去黑bra，半裸上場。
一一年，一心想當歌手的蔚雨芯由老闆娘黃杏秀提名選港姐，十七歲未夠秤，加上早熟身材，面試已經矚目。以為有無綫之友阿叻鋪橋搭路，外界同當事人以為入圍十拿九穩，豈料連初賽都入唔到。
重提港姐脫腳一事，原本有碗話碗的蔚雨芯也要避重就輕：「咁咪證明無綫係冇造馬。選唔到港姐，咪做番歌手囉！」
JJ離開阿叻旗下後，有傳「浸大E神」楊焉跟蔚雨芯爭寵。但睇走勢，似乎是由嫩口的蔚雨芯接JJ棒，坐正阿叻頭號愛將地位。
成名作去年以三點式一親魔鬼魚的鏡頭一出，即震撼網友，從此冠以魔鬼胸稱號，特輯成為她的成名作。
學歷唔夠抽蔚雨芯十三歲參加雜誌校花選舉落敗後，卻被阿叻睇中簽下六年賣身契。原打算一邊讀書一邊接受演藝訓練，待中學畢業才正式出擊的她，課餘做兼職model，是校內風頭躉的同時，也是同學杯葛對象，結果讀到中三，她便決定輟學。
打滾兩年，終於體會到學歷低是前途絆腳石；加上有同門對手浸大E神楊焉刺激，十九歲的蔚雨芯對症下藥，要幫自己補墨水。
「我唔介意俾人知道讀書少，既然少就惡補，盡力做番好！依家搵咗老師惡補英文同普通話。」蔚雨芯說。
初熟蔚雨芯，在床照除大賣性感，也發揮她青春可人的本色。
影寫真期間，蔚雨芯遺失乳貼，人急智生，她隨手拿起化妝師用的雙面膠紙，剪成圓形，自製獨家乳貼頂檔。
帶備三十多套衫，呢啲戰衣只係冰山一角。
在電影《新𡃁妹仔》中飾演聾啞少女的她，話喊就喊，七情上面，連導演也讚她是可造之材。
叻女郎這些年來，當上阿叻愛將的索女，都推出性感寫真作為發展方程式。
李蘢怡
03年，歌手出性感寫真非常罕有，簽俾阿叻後，Tiffany肯三點式寫真一搏，結果搏到六千本銷量。
Tanya
阿叻食住Tanya作為台灣型男張震的女友身份，07年為她推出寫真，做慣model露點當閒事的她，在寫真一輯透點相成賣點，銷量四千。
JJ
以女神地位於08年推出寫真，可惜遇上性感𡃁模冒起搶食，寫真不及兩位師姐咁
大賣。
