二奶奶死咗，四奶奶連場惡鬥大奶奶。近排，太多奶。
有冇奶係唔勾心鬥角㗎？
有。睇睇《哈利波特》「妙麗」吧。正當《哈利波特》第7 集拍得如火如荼之際，「妙麗」忙裏偷閒跟友人歎茶。一身衣着本來保守，誰知衣領移位，成個bra 露出嚟不特止，更驚覺19 歲「妙麗」，原來一直禾稈冚珍珠。
自從「妙麗」愛瑪華生（Emma Watson ）去年滿18 歲，行為愈見豪放。不過講衣着，未算太性感，小小性感咪算囉。
「大」個女
不過，人始終都會大，胸部都係。記得2007 年《哈利波特》第5 集《鳳凰會的密令》，工作人員嫌「妙麗」個胸太細，喺電影海報做手腳加大佢。如今，「大」個女，大到有找㖭。
就上周一（18 日），「妙麗」跟暗星老友Kaya Scodelario到倫敦一茶座聚舊。你一言我一語，傾到鬼死咁投入，連件衫移位都唔知，打出大半個純白色喱士bra cup ，酥胸半露，性感過平日出席function 嘅晚裝，同時證明，我哋嘅「妙麗」終於「大」個女嘞。
第5 集《鳳凰會的密令》，原版（左圖）妙麗平胸，但海報胸部突然「蘇醒」，明顯係加咗工。
天后上身
只係，胸大又並不等如心胸廣寬。早前傳出「妙麗」拍攝第7 集《死神的聖物》時，被劇組人員踢爆佢難服侍，除咗間竭性躁底，無定向爆投訴，仲要遲大到，搞到工作人員叫苦連天，聽聞拍檔「哈利仔」同「榮恩」亦頗有微言。「好雙乳」真係不等如「好相與」呀。
打孖上
真難搞，《哈利波特6 》就快上映，《哈利波特7 》就拍得如火如荼，唔知介紹得邊套好。唔使驚，兩套介紹晒，滿足未？
鄧不利多會死，但冇影響陣容。新加入奸角焚銳灰背（右圖）將會大開殺戒。
HP6 ︰《哈利波特混血王子的背叛》
上映日期：2009 年7 月15 日
劇情：校長鄧不利多跟哈利解構佛地魔嘅過去，正所謂知己知彼百戰百勝，為第7 集嘅最後勝利鋪路。
由名導添布頓老婆海倫娜寶咸卡達飾演佛地魔爪牙貝拉雷壯斯，今集將大有戲份，奸到出汁。
第7 集正拍攝中，其中一幕就係講哈利3 人逃出衛斯理婚宴，躲避食死人攻擊。
HP7 ︰《哈利波特死神的聖物》（上下集）
上映日期：
2010 年11 月19 日（上集）
2011 年7 月15 日（下集）
劇情：大結局，預料得到邪不能勝正，不過代價係死傷慘重。
