說起新年難忘事，許晉亨前女友徐綺雯（Candy ）笑言自小已口甜舌滑：「我自己都唔記得，媽咪話我去茶樓會向唔識嘅茶客講恭喜發財
利是，係人都講，永不落空。」每逢新年，Candy 定會返澳門陪家人，更會到賭場碰運氣：「我鍾意玩百家樂，但賭得唔大，都係幾千蚊上落，贏得最多一次係萬幾蚊，一贏就收手。」
談到牛年大計，Candy 除了攻讀心理學外，更會繼續在法律界發展：「之前都做過如刑事、工傷等範圍，今年打算喺誹謗呢個範圍著手。」
她又透露七月會到溫哥華出席表姐的婚禮，至於有否被催婚，她甜笑地說：「哈！我都冇話有男朋友！其實媽咪成日都想我有個家，每次拍拖都會叫我結婚，但我讀咁多書，好想喺法律界發展，建立個人事業，對自己或者其他人有貢獻。」
髮型：ILCOLPO 化妝：Emily 服裝：Anne Klein 場地：圓方
徐綺雯每次到澳門過年，必定與朋友玩煙花取意頭。
