樓市好，傢俬同家品一樣暢銷，令室內設計及傢俬店生意好咗，好多都要招聘人手，好似宜家傢俬嚟緊都會搞招聘會，聘請超過30位員工，如船務文員、倉務文員及咖啡室助理等，人工由$6,000起，只需要中五畢業，而人工最吸引就係後勤顧客服務助理，月薪會根據工作經驗而定，由$8,000至$9,500不等。
IKEA 招聘組嘅發言人就話，咁多份工之中，估計最多人應徵助理室內設計師或助理商品展示設計師，「因為學習同埋晉升機會都會比較大，好似我哋每間鋪都會做晒室內設計，定期就會轉換擺設，可以任由佢哋發揮創意，如果做得好，一般1至2年已可以升做正式設計師。」助理設計師人工由$7,500起，歡迎IVE 、科技學院的畢業生應徵。
唔想做長工，IKEA 都有唔少兼職嘅職位，如送貨安排聯絡員、倉務員等，時薪亦有$38，加上同正式員工一樣，都可以享受到員工購物優惠，都算係少少著數啦，兼職亦歡迎學生做暑期工，做得好咪第時仲可以繼續邊讀書邊做添。
招聘日
日期：6月13日（星期五）
時間：下午2時至5時
地點：勞工處元朗就業中心
預約電話：36925750
IKEA 今次請超過30位員工，另外，仲會請人做兼職添！
