央視春晚對於內地觀眾嚟講，絕對係一年一度盛事，有份量嘅藝人都會被邀請現身，香港代表之一嘅容祖兒（Joey）更係第六次上春晚表演，仲唱《年夜飯》慶一慶節。當然內地紅到爆嘅陳偉霆（William）更以街舞作為opening，認真威水。
今次係基仔第一次包餃子
個手套好似......
尋日基仔就以呢個look上台
好多大媽都係咁
估唔到呢個係fashion
工作袖套同款
不過，佢哋都敵唔過古巨基!事關基仔喺春晚表演上，同張碧晨合唱《乘風破浪》，佢出現嘅造型就引起唔少網民熱烈討論。基仔以一身型爆嘅黑色西裝上陣，仲加咗一對紅色針織手袖勁搶眼。由於唔少阿媽喺屋企候家務或者整嘢食嘅時候，都會加個手袖防止弄污衣物，所以基仔呢個造型都紛紛俾comment話係「阿媽牌手套」、「睇怕基仔對手袖應該係同王菲對洗碗手套一齊買啦」，有啲人仲話「唔知以為佢唱完歌就要表演包餃子」。最估唔到嘅係基仔喺開騷前，真係喺酒店房入面包餃子應節而且仲係基仔第一次包餃子。基仔話：「我係冇手忙腳亂嘅，不過係慢咗啲，正所謂『慢工出細貨』吖嘛。」包完餃子衫都唔使換就上台，真係好easy。
