有「玉女掌門人」之稱的周慧敏（Vivian）將於1月26至29日在紅館舉行《一萬天荒愛未老．周慧敏30週年演唱會》，連月來為個唱準備的她，昨日在排舞室綵排，又跳又唱《自作多情》。現場見她身形明顯消瘦，Vivian說：「依家得101磅幾，之前有107磅，都瘦咗6磅，唔再瘦落去喇！去年11月已經開始排舞，自己跳舞比較機械人Feel，需要比正常嘅早少少去排練。（返屋企再練？）唔喇，要熄機Feel！」
周慧敏減磅輕飄飄，舞蹈員輕易將她抬起擺甫士。「義工」古巨基安排性感戰衣
為今次30周年演唱會，Vivian全情投入，自爆連歌酬都不要！以她現時身價計，四場演出至少袋百萬歌酬，對此她笑說：「冇計過！完全投資番落製作度，係自己想咁做，因每樣科技嘅嘢都需要Budget。（咁咪『白做』？）唔覺得！趁我仲有呢個動力，好想為咁多年支持我嘅朋友好好做一場。基仔（演唱會總監古巨基）都係義工，捱通頂幫我。（佢出晒鬚根？）我真係對佢唔住，我惟有對佢老婆好啲。」
提到歌衫造型，Vivian透露基仔都有份構思：「本來我好安心，點知佢對我幾大期望，畀啲幾難着嘅衫我，有性感嘅！（基仔話一定有宮廷裝，係集體回憶？）咁一陣睇先知。（老公過目？）佢知係基仔搞，冇意見，咁上台都要有突破嘅！」
周慧敏透露會有性感戰衣益歌迷！
周慧敏自嘲跳舞似機械人，故提早排舞。
文：音樂組
攝：李柏儒
周慧敏要古巨基做義工
周慧敏最近積極為演唱會排舞，不想到時失準。
周慧敏昨日在尖沙嘴為月底的演唱會排舞，她透露自己比之前輕了6磅，現在只得101磅。由去年11月開始排舞的她笑說：「我同排舞師講我跳到好機械人feel，所以想早啲排，唔想上到台仲有一副要諗嘅樣。」她又指好友古巨基除擔任演唱會總監外，亦有負責歌衫，她指：「有啲衫好難着，有啲雖然性感，但未至於太誇張。」問到老公倪震是否需要過目？她說：「佢對基仔好信任。」
周慧敏透露會將全部歌酬投資在製作上，連基仔也是義工，有指基仔忙到滿面鬚根，她笑謂：「我真係對佢唔住。」提到月初是她的結婚九周年紀念，她笑說：「老公order咗四川菜，我搏命食。」
採訪：黃曉妍
攝影：沈健程
