發新話題 Report thanks

[資訊分享] 眼醫謝偉業與徐子珊半年即分徐子珊金龜夢碎

TVB一線花旦今年似乎個個唔係桃花運滯就係行桃花劫。繼胡杏兒早前同黃宗澤掟煲、楊怡最近亦爆出跟羅仲謙疑似車震醜聞,連徐子珊都行愛情衰運。本刊收到可靠消息,徐子珊已跟行埋半年的眼科名醫謝偉業掟煲。
據知分手原因,係謝醫生瞞住子珊跟其他女子秘密交往,而一度深受TVB老闆「殼王」陳國強寵幸嘅子珊,亦因為同謝醫生撻著而得罪殼王,被TVB投閒置散冇劇開,正宗人才兩失。
33歲徐子珊除咗冧掂老闆「殼王」陳國強外,連醫生都被佢電暈。今年5月本刊率先爆眼科名醫,有「翻版中田英壽」之稱嘅謝偉業醫生,跟子珊拍拖2個月,更拍得謝醫生送外賣上門,跟子珊於貝沙灣住所纏綿4日3夜。

為追女神,謝醫生曾經出盡法寶,經常為子珊當「咕喱」、「外賣仔」等送外賣搬行李。謝醫生同徐子珊啱啱開始拍拖期,相當落力,試過深夜收工仍四圍撲買宵夜,再送上徐子珊嘅貝沙灣屋企同佢慢慢嘆。

雪到12月
本月14日,本刊發現謝偉業醫生單拖現身香港機場,據知他此行是跟女性密友到東南亞度假。本刊問他是否已跟徐子珊分手,謝醫生匆匆入閘並冇回應;而和謝醫生拍拖前,徐子珊曾得無線大老闆「殼王」陳國強寵幸,上年拍足5套劇。但自從同醫生戀情曝光後,事業即時告急,今年只有新劇《雷霆掃毒》孭飛做女主角,其餘劇集都係客串居多,要等到12月先有新劇開。

上年拍5套劇,但今年徐子珊只拍了《雷霆掃毒》及與吳卓羲合作的《戀愛季節》(圖)5集,其餘只係客串,成績冇咁好喎!

謝醫生唔單只係眼科名醫,平時更喜歡親自下廚,佢更把烹飪相上載到「Line」。而佢嘅WhatsApp狀態亦寫上「深禪淺唱」,呢句出自內地潮文,全文意思大概係男方覺得同女方一齊,就算愛得幾平淡都好享受,都話謝醫生冧女掂啦!(網上圖片)

「子珊最近唔係咁開心,佢最初諗住醫生信得過,覺得佢係金龜添,點知咪又係花心,子珊唔分手唔得,最慘係當初佢同醫生一齊,搞到殼王覺得佢唔專心事業,仲試過話反正佢掛住拍拖,下半年開劇唔使預佢啦!子珊覺得𠵱家兩頭唔到岸,惟有hea一排先囉!好彩有《雷霆掃毒》出街,佢角色好搶,睇嚇呢次幫唔幫到佢喇!」

週日,徐子珊出席《雷霆掃毒》宣傳活動,提起跟醫生分手,子珊笑笑口話大家一直係朋友。

如果您喜歡這篇文章,請按「讚」或分享給您的朋友,以示鼓勵。

TOP

Facebook用戶的回應

thanks