發新話題 Report thanks

[資訊分享] 福伯《星戰7》傷腳英職安局提告迪士尼被罰1506萬

福伯《星戰7》傷腳英職安局提告迪士尼被罰1506萬圖片1
夏裡遜福兩年前拍攝《星戰7》時受傷,報告指當時的意外足以致命。

現年74歲的荷李活影星夏裡遜福(Harrison Ford)兩年前拍攝《星球大戰:原力覺醒》(Star Wars:The Force Awakens、星戰7)期間,被電影中的太空船壓傷腳,電影公司迪士尼旗下的英國製片公司Foodles Production(UK)Ltd因違反安全與健康條例,前日被英國艾爾斯伯裡法庭罰款160萬英鎊(約1,506萬港元)。
福伯《星戰7》傷腳英職安局提告迪士尼被罰1506萬圖片2
福伯(右)傷癒後繼續進行《星戰7》的拍攝。

當日福伯在英國的Pinewood Studio拍攝《星戰7》時,遭其飾演的漢蘇奴(Han Solo)所駕駛的太空船千歲鷹號飛甩出來的門壓傷腳部,以致脛骨與腓骨骨折、腳踝移位與手部受傷。意外發生後,英國的職業安全局表示會調查事件,早前案件在英國法院進行聆訊,據呈上法庭的報告指福伯受到的衝力撞擊等同被一架小型車輛撞倒,法官指這道門有如「斷頭台」,當福伯通過時門瞬間壓下,與他的面只相差幾毫米,意外足以致命。法官同時指摘工作人員與福伯溝通不足:「如工作人員事前與夏裡遜福討論過,他最低限度可以意識到他的危險,保持警惕。」

而《俠盜一號:星球大戰外傳》(Rogue One:A Star Wars Story)亦公開全新海報,除清楚見到菲莉絲迪鍾斯(Felicity Jones)、「宇宙最強」甄子丹和內地影帝姜文等主要演員,亦見新機器人K-2SO及黑武士出現。
福伯《星戰7》傷腳英職安局提告迪士尼被罰1506萬圖片3
福伯被拍攝時的太空船千歲鷹號飛甩出來的門壓傷腳。
福伯《星戰7》傷腳英職安局提告迪士尼被罰1506萬圖片4
今年底上映的《俠盜一號:星球大戰外傳》公開全新海報。

《花木蘭》鬧雙胞胎

另外,迪士尼早前宣佈拍《花木蘭》真人版電影,並屬意邀請華裔演員出演花木蘭和李翔,有傳曾斟洽台灣名導李安執導,但已遭李安婉拒。而Sony電影公司近日亦落實會拍攝一個以《花木蘭》為題材的電影,同樣力邀華裔演員,即時鬧出雙胞胎。

撰文:施洛冰
from:http://hk.apple.nextmedia ... 161014/19799848

如果您喜歡這篇文章,請按「讚」或分享給您的朋友,以示鼓勵。

TOP

《星戰》甄子丹盲公解構

福伯《星戰7》傷腳英職安局提告迪士尼被罰1506萬圖片5
甄子丹話因為仔女鍾意《星戰》,所以佢一定要拍一部。

甄子丹有份拍攝嘅《星戰》外傳《俠盜一號:星球大戰外傳》(Rogue One:A Star Wars Story)聽日上映,故事講革命軍得到死星藍圖嘅千辛萬苦經過,一行六人嘅「俠盜一號」孭起呢個重任,包括「宇宙最強」嘅子丹扮演Chirrut Imwe(智刃嚴),冒死潛入帝國軍總部偷藍圖。
福伯《星戰7》傷腳英職安局提告迪士尼被罰1506萬圖片6
甄子丹笑話自己度嘅盲俠造型,其實應該收番啲版權費。

盲公竹做武器

原來子丹係為咗寶貝仔女才應承拍呢部荷李活巨製,當初佢獲導演加利安愛德華斯(Gareth Edwards)邀拍時,考慮咗幾個月先應承,佢接受訪問時話:「一開始我係冇諗過拍,因為要離開屋企人去倫敦五個月,後嚟我問仔女:『你鍾意爸爸做葉問抑或星戰角色?』佢哋就話:『梗係星戰啦!』咁我就必須要拍,一定要拍一部。」

子丹喺戲裏面角色雖然係盲,但武功高強,一個打贏十個白兵,呢個盲俠係子丹為自己度身設計:「我同佢哋討論劇本時,話如果角色係盲就更加好玩,我提議加盲公竹做武器,導演都好同意,其實我應該收啲版權費,哈哈!」而有份拍攝嘅姜文曾爆智刃嚴會死,問到子丹係咪真?佢鬼咁口密反問姜文係咪飲大咗。

採訪:黃芷蔚
撰文:馮仁昭
福伯《星戰7》傷腳英職安局提告迪士尼被罰1506萬圖片7
甄子丹角色本身唔係盲㗎!
福伯《星戰7》傷腳英職安局提告迪士尼被罰1506萬圖片8
《星戰》外傳內容早已喺77年第四部曲片頭出現。
福伯《星戰7》傷腳英職安局提告迪士尼被罰1506萬圖片9
交代返革命軍點樣偷死星藍圖。
福伯《星戰7》傷腳英職安局提告迪士尼被罰1506萬圖片10
甄子丹今次無論幕前幕後,參與度都好高!
福伯《星戰7》傷腳英職安局提告迪士尼被罰1506萬圖片11
接呢部戲前問過囝囝囡囡意見。
福伯《星戰7》傷腳英職安局提告迪士尼被罰1506萬圖片12
ChirrutÎmwe(智刃嚴)來自嘅星球Jedha對Jedi非常重要。
福伯《星戰7》傷腳英職安局提告迪士尼被罰1506萬圖片13
Jyn Erso(珍艾素)會搵智刃嚴加入「俠盜一號」。
福伯《星戰7》傷腳英職安局提告迪士尼被罰1506萬圖片14
姜文飾演嘅Baze Malbus戲內會保護Chirrut,戲外佢就唔小心劇透過Chirrut會死。
福伯《星戰7》傷腳英職安局提告迪士尼被罰1506萬圖片15
May the force be with you!
from:http://hk.apple.nextmedia ... 161214/19864547

TOP

Facebook用戶的回應

thanks