周秀娜裙鬆D奶危危乎

周秀娜、吳千語和周汶錡昨日在銅鑼灣出席「美圖M6」手機發佈會，周秀娜一身戰鬥格低胸裙現身，問是否有備而來？她說：「靚呀嘛，確實係有備而來，因為條裙太鬆、太有份量，總共改咗8吋，上下都要改細，喺台上面都驚跌。」之前被指D奶消失了，是否要谷胸曬身材？她笑說：「唔關事，呢排肥咗，上圍不嬲咁上下。」她透露將開拍鄭丹瑞的新片，要努力收身。

（左起）周秀娜、吳千語和周汶錡在台上玩自拍。

吳千語爆男友林峰不愛跟她合照，更不滿男友攝影技術差，旅行時她寧願找途人幫她拍照，她笑說：「佢影得唔夠好。」

採訪、攝影：羅慧敏
from:http://hk.apple.nextmedia.com/entertainment/art/20160908/19763466

周秀娜的新片被選為香港亞洲電影節的閉幕電影。

周秀娜和鄭欣宜主演的新片《29+1》，以及范冰冰主演的《我不是潘金蓮》，齊被選為下月舉行的香港亞洲電影節的閉幕電影，昨日預售兩場放映場，開售一小時內已全院滿座。娜姐笑言該片於她有特別的緣份：「好開心反應咁好，拍呢部戲時正正係我29+1（30歲），我自己亦好鍾意呢個古仔，所以除咗感激之外，都係感激。」

欣宜開心謂：「知道呢套戲被揀做閉幕電影時已好感動，以前我演嘅戲多數係搞笑同客串，今次係我一部比較認真嘅戲，反應咁好真係好開心。」導演彭秀慧表示對《29+1》能躋身電影節感到榮幸。

撰文：陳以晴
from:http://hk.apple.nextmedia ... 160925/19780867

IRO
黑色單肩裙
Zadig& Voltaire
戒指及手鐲
周秀娜入行十年，月前在釜山首屆新媒體電影節奪得最佳女演員獎，事業受肯定，繼續潮州人博盡精神，早前一口氣拍了《29+1》、《女士復仇》，再接拍了與鄭丹瑞合作的《小男人周記3》，電影排住隊上映。奈何娜姐的愛情狀態，還欠一個男主角，一句欲言又止的：「仲係單身呀！」那個渴望愛的眼神，我見猶憐。

造型及撰文：趙潔恆
攝影：周樂恒
化妝：Circle@ ND&Co.
髮型：Amber Tse@ Alchemy
服裝提供：I.T

香港女演員買少見少，周秀娜難得算是多產的一位。早前拍的《29+1》被選為下月亞洲電影節的閉幕電影，她難掩興奮之情：「真係好難以置信，真係第一次。」在30歲時拍攝了一套關於30歲的電影，今次演出都幾大壓力，「因為有睇過導演Kearen（彭秀慧）演出嘅舞台劇版本兩次，都好想可以做到自己特色，令唔同年紀嘅觀眾都有共鳴。電影有好多內心戲，所以都經常搵Kearen傾偈，了解多啲個劇本。」

MSGM
紅色長褸
Kurt Geiger
高踭鞋

IRO
皮褸

ZUCCa
皮褸
McQ
印花恤衫
IRO
牛仔褲

娜姐於新片《29+1》中有不少內心戲。

仍是搏殺期

周秀娜工作忙，但相比早幾年的電影產量高達一年十套，她的步伐似乎減速不少。「𠵱家都仲係搏殺期，只係頭幾年因為都仲未知乜叫拍戲，乜都去試，拎多啲經驗，幾年之後，認識深咗，減產其實係想作品有進步，想身體同精神狀態都可以專注做得更好。」娜姐一出道就是夠博，那些年的噴血式性感卻一去不回來，人成熟了也似乎懂得更錫身，「又唔係話要轉型，而係每個階段覺得應該要做乜嘢事，想見到唔同嘅自己，成日都一樣好似冇進步過，我想知自己潛力可以去幾多，因應年紀、工作性質而有變化。」至於性感女神之名，她仍然非常引以自豪，「係唔同嘅性感，啱啱出道同𠵱家都成長咗，譬如《小男人周記》都有性感場面，但每個人接收到同理解應該會有唔同。」

事業得意，但愛情空窗期仍是持續中，娜姐雖然口口聲聲話享受一個人自由自在，心底畢竟是一個需要愛的小女子，「有時都會諗不如搵個人拍吓拖啦，但點會有呢回事，老套啲都真係講緣份，只不過有時拍完戲好攰嗰刻，都想有個傾訴對象，但第二朝起身都係繼續工作，呢樣嘢冇得勉強。」

不設理想型

身邊有似是而非的追求者，娜姐卻無奈表示：「可能年紀大咗，大家都成熟，不似十幾二十歲時會好明顯咁話你知：『不如我哋一齊啦！』都好似朋友嘅相處方式，你問我有冇人追，我都唔知係唔係呀。」曖昧狀況不明，但她心裏總有個理想對象的概念吧，至少尋人也有個目標，「以前會有好多理想條件，要靚仔啦、高大、有共同興趣啦，但原來都冇咁嘅人，𠵱家都冇去設定乜理想型，真係要畀時間去相處。」人到輕熟女階段，娜姐也有成家立室的想法，「結婚都一定會結，想有自己家庭，生小朋友，但係唔想夾硬要結婚而求其搵一個未必啱自己嘅人。」

娜姐仍然會在Ig貼性感比堅尼照。

周秀娜的愛貓相當趣致。

女神的秘密

喜歡哪種香味的香水?　木香
睡衣穿甚麼？　短褲與T恤
想擁有印上甚麼樣的攬枕?　我隻貓
喜歡哪種口味的雪糕?　呍呢拿
喜歡跌膊衫定Deep V衫？　跌膊
喜歡鑽石定珍珠？　鑽石
至今最自豪的事？　一次過吃12個冬甩

更多精采時尚內容，盡在http://add.appledaily.com。
from:http://hk.apple.nextmedia ... 160929/19784785

周秀娜平時好忙未必約到朋友，因此想組團打機放鬆一下。

周秀娜昨日在上環出席平板電腦發佈會，她最近愛上網上遊戲，希望組織電競團，她說：「平時拍戲難免有動作場面，打機可以襯衫、對決，打打殺殺，冇危險，又可以傾偈，所以我好想組電競團，招募男同女，平時好忙未必約到朋友，打機可以傾吓偈，放鬆吓。」

問周秀娜不怕有男士騷擾？她說：「我騷擾佢哋都得，會不停講嘢。」周秀娜更謂不介意在網上結識男士，她說：「做朋友OK㗎，不過要耐啲時間去認識，睇吓信唔信得過，見面都冇所謂，以前未試過。」視像識男仔也可以？周秀娜說：「唔係為呢樣嘢，平時嘅娛樂都喺網上度過，電腦就係我嘅情人。」

採訪：羅慧敏
攝影：陳順禎
from:http://hk.apple.nextmedia ... 160930/19785901

周秀娜早前試玩迪士尼的萬聖節活動，嚇到大聲尖叫。

周秀娜早前應迪士尼邀請，以「惡玩行動組」成員的身份試玩全新萬聖節活動，其他成員還有王宗堯、鄭欣宜及朱薰。身處昏暗環境中的娜姐全程膽顫心驚，眼前一有任何風吹草動即大聲尖叫，並回想起中學年代最愛嚇同學的百厭行為，娜姐說：「我試過買好多假曱甴、假毛毛蟲、假蚯蚓嚇同學，上堂趁佢唔為意，掉喺佢本書上面，嚇到佢成個人彈起！」

不過娜姐坦言現時工作忙碌，甚少有機會跟朋友一起慶祝萬聖節，又表示最喜愛《公主與青蛙》的「影子巫師」霍博士，因為他擁有巫術力量：「如果我要將惡人變成一種生物，我會將惡人變成青蛙！」

撰文：陳以晴
from:http://hk.apple.nextmedia ... 161002/19788100