王宗堯舊愛黎紀君Christy翻撻楊受成細仔

1^# 大中小 young 發表於 2016-9-4 15:39 發短消息

相關主題: 王宗堯

男神王宗堯細佢15年嘅o靚模Christy(黎紀君)拍拖唔夠一年就分手，男神就好快咁搵到第二個，之前就俾《蘋果》影到佢同蔡潔去數碼港玩放飛機，好快咁就投入第二段戀情。而Christy都唔執輸，昨日有週刊報導話佢翻撻楊受成細仔楊政龍，仲話佢哋好肉繄到喺街到狂啜添！

Christy同王宗堯分手，男方堅稱冇第三者，但報導引述知情人士話，原來Christy一直對舊愛楊政龍未能忘情，話佢哋分開翻撻又再分開，同王宗堯之前，已經兩離兩合，今次係第三次喇！咁都唔出奇嘅，楊政龍係市值150億英皇集團楊受成嘅細仔，呢啲鑽石富二代，當然多女埋身啦，好似之前就有楊秀惠，之前就有講過話楊秀惠趁開工空檔，山長水遠咁去楊政龍淺水灣嘅屋企啦。

雖然今次Christy同楊政龍已經係第三次復合，但佢哋依然愛得痴纏，日前週刊就影到楊政龍揸住佢架戰車送Christy去到跑馬地轉的士，當時Christy唔知乜事就扁曬嘴，楊政龍就好肉緊咁攬住女友錫佢幾啖，Christy先肯乖乖上車離開。對於Christy同楊政龍三離三合，前度王宗堯就話略知佢哋拍過拖，仲話相信佢哋係前緣未了，所以先會喺番埋一齊喎！
from:http://hk.apple.nextmedia ... 160825/19749143

廷伸閱讀/相關主題推介:

相關主題:王宗堯

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-15 00:03 發短消息

王宗堯同準外父投緣

王宗堯已跟女友蔡潔提早慶祝中秋。

王宗堯昨日乘坐其代言的客貨車，去到觀塘碼頭向眾客貨車司機派送月餅，提早慶祝中秋節。王宗堯表示由於女友蔡潔要趕回內地與家人過節，所以日前已與女友預早慶祝。宗堯透露於中秋節翌日出席表弟婚宴，問到何時到他成家立室？他直言：「未咁快，但我諗佢都會想，正常女仔都想穩定啲。」

而宗堯希望女友能給予3年時間，讓他努力搵錢，他笑說：「3年之後佢都係廿幾歲啫。」他透露蔡潔的家人曾經來港與他飯敍，他說：「佢爹哋同我一樣鍾意影相，但佢媽咪好嚴，佢爹哋叫我唔好話畀佢媽咪聽啲鏡頭幾錢。」

採訪：張俊銘
攝影：沈健程
from:http://hk.apple.nextmedia ... 160913/19768769

TOP

3^# 大中小 young 發表於 2016-9-21 17:23 發短消息

王宗堯：男人應該鹹濕

王宗堯噚日化身《阿拉丁》惡人巫師賈方，到迪士尼出席「反轉迪士尼」活動，問佢平時有冇扮鬼扮馬嚇女友蔡潔？佢話：「少少驚喜，佢都擔心，所以我好容易激嬲佢。」講到張致恒自稱控制唔到鹹濕，背女友莊端兒偷食台妹，宗堯話：「基督徒唔係唔可以鹹濕咩？一個正常男人係應該鹹濕，但可以控制到，唔可以做越軌行為，偷食係唔啱。」佢仲話女友對佢百分百信心。

撰文：馮仁昭
from:http://hk.apple.nextmedia ... 160920/19775466

TOP

4^# 大中小 young 發表於 2016-10-23 16:46 發短消息

王宗堯怕得罪諸葛

王宗堯與JW前晚孖住出席手機活動。

王宗堯和王灝兒（JW）等前晚在中環出席手機活動，對於莊端兒和經理人諸葛紫岐反目解約，傳聞是跟莊端兒被安排接拍王宗堯執導的《作家的謊言》有關，戲中有做愛和口交場面，王宗堯回應指：「周末解決咗，我諗係誤會，佢哋自己公司糾紛，交番畀佢哋。」莊端兒建議由諸葛紫岐接拍該片？他說：「唔敢！我驚行唔到入Neway門口。」

此外，王宗堯昨收看《蘋果》facebook live直播9.28兩周年連儂牆市民集會，事後更到場支持，他說：「呢啲都係由雨傘運動慢慢開花，大家要越來越關心社會，唔好失去本身公民權利，捍衞新聞自由、民主自由。」

採訪、攝影：羅慧敏
from:http://hk.apple.nextmedia ... 160929/19784780

TOP

5^# 大中小 young 發表於 2016-12-10 18:56 發短消息

王宗堯笑歐錦棠儍

王宗堯與歐錦棠（左）合演舞台劇《科學怪人：誰主創造》。

歐錦棠與王宗堯合演舞台劇《科學怪人：誰主創造》，日前接受本報訪問。歐錦棠大讚王宗堯專業：「佢成日問導演好多嘢，好多細節位都唔放過，同佢排戲啲即時反應，我敢講入行20年，唔係好多人可以做到。」

王宗堯指歐錦棠儍，為舞台劇而特意到倫敦學形體動作：「有場戲講佢（科學怪人）啱啱出世，每次佢都用力咁撻落地，個台仲要用鐵板，真係好犀利。」提到香港政府對藝術的支持，歐錦棠謂：「西九都就嚟陸沉啦，咪西九氣囉。」

採訪：盧妹
攝影：仇志德
場地提供：劇道場
from:http://hk.apple.nextmedia ... 161126/19845677

TOP

6^# 大中小 young 發表於 2017-1-1 20:50 發短消息

王宗堯評葉劉離地

王宗堯（右）、張建聲及陳詩慧昨日到新城錄音，他表示聖誕忙於為舞台劇綵排，女友蔡潔身在泰國拍戲，未能慶祝，他說：「已經計劃好完咗舞台劇要放假，起碼放到新年先開工。」

提到特首戰，王宗堯指胡國興的政綱是港人渴望的，他說：「不過未知佢得唔得到祝福，葉劉（淑儀）都幾活喺自己世界，希望香港人唔會跌入佢魔掌，林鄭就更加深不可測啦。」
from:http://hk.apple.nextmedia ... 161217/19867827

TOP

7^# 大中小 young 發表於 2017-1-1 21:33 發短消息

宗堯阿棠肉緊互毆

王宗堯（左）及歐錦棠前晚為下月公演的舞台劇一場打鬥戲綵排。

王宗堯、歐錦棠前晚在上環綵排下月6日開始公演的舞台劇《科學怪人：誰主創造》，飾演博士的宗堯跟演科學怪人的阿棠，將會有四場對手戲，其中更有幕長達十七分鐘的糾纏場面，二人綵排一場打鬥戲時相當認真，宗堯將阿棠推跌落地時，順勢一腳時更差點踢中阿棠的下體，幸好有張椅擋隔，阿棠受訪時笑說：「佢頭先拆我祠堂，又揼我背脊心口。」

戲中宗堯和阿棠的太太萬斯敏飾演夫婦，反而真老公阿棠卻有場要強姦萬斯敏的場面，阿棠說：「搞番自己個老婆，姦都係象徵式，我哋又唔係拍喊戲。」他更踢爆老婆和宗堯有場咀嘴戲，宗堯即說：「我唔會尷尬。」

採訪、攝影：黃曉妍
from:http://hk.apple.nextmedia ... 161221/19871698

TOP