林芊妤大馬男友任職銀行高層Coffee遊澳門變大媽

1^# 大中小 young 發表於 2016-8-23 23:00 發短消息

相關主題: 林芊妤

林芊妤（Coffee）啱啱宣佈「封杯」，皆因佢啱啱識到個6呎高爆肌男朋友，有愛情滋潤嘅Coffee，前兩日同屋企人去澳門玩，仲好好心情咁喺Instagram向網友派福利，大曬三點式泳裝照。

大媽Look嘅Coffee大前晚現身澳門官也街。讀者提供圖片

Coffee話放假去旅行，所以冇化妝。讀者提供圖片

Coffee嘅爆肌新歡Weng Chak原來係澳洲出生嘅馬來西亞華僑。資料圖片
放假冇化妝

不過，讀者馮小姐前日透過本報「爆相爆片」分享咗佢喺澳門官也街影到Coffee嘅相片，冇男友喺身邊嘅Coffee，個樣同平時真係有好大反差，忽然變咗大媽樣。馮小姐仲話：「9號晚9點鐘喺官也街見到佢，同行有男有女，佢企喺鉅記門口，個樣有少少唔耐煩。」馮仁昭搵過Coffee，佢話嗰日係同哥哥、阿嫂，仲有兩個姪仔去澳門玩，因為放假所以冇化妝。

至於Coffee個爆肌男友亦好快被起底，原來佢叫Weng Chak，今年36歲，係澳洲出生嘅馬來西亞華僑，𠵱家喺滙豐銀行總行做副總監，爆料人仲話Weng喺交友網好活躍，不過Coffee話完全唔介意，又話好信任男友，唔使由人哋把口講咁話。

撰文：馮仁昭
from:http://hk.apple.nextmedia ... 160812/19732538

廷伸閱讀/相關主題推介:

相關主題:林芊妤

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-23 23:01 發短消息

Coffee新歡被起底喺滙豐總行做副總監

林芊妤（Coffee）上星期俾《蘋果》影到拖住42吋爆肌新歡，喺酒吧玩遊戲輸咗嘅Coffee，更加喺爆肌新歡陪伴下，豪情暢飲，離開時兩個人仲依依不捨攬到實，當街放閃晒恩愛。

事後Coffee接受《蘋果》訪問，亦直認同佢手拖手嘅係佢男朋友，但就話對方唔係圈中人，佢哋拍咗拖幾個月，叫大家俾啲空間佢。

不過，話口未完，就有人報料，話Coffee男友叫Weng Chak今年36歲，喺澳洲出生嘅佢係馬來西亞華僑，o依家喺滙豐銀行總行做副總監。報料人仲話Weng喺交友網站好活躍添！翻查佢喺facebook嘅自我介紹，佢05年喺墨爾本大學畢業之後，曾經喺摩根大通同荷蘭銀行做過。

男友被起底，Coffee回應《蘋果》時話：「我係完全信任佢為人，同一個人相處係自己去了解對方，去認識呢個人，唔係由人哋把口講，正如我自己嘅過去，好多人點樣講我，佢都唔理，呢啲就係信任囉！」

至於喺交友網站識朋友，Coffee就覺得好小事：「佢嚟咗香港幾個月，香港冇乜朋友，想識啲朋友有乜問題呢？」句句都幫住晒，睇嚟Coffee真係好緊張呢段感情喎，好啦好啦，就祝你快啲做翟師奶啦！
from:http://hk.apple.nextmedia ... 160812/19733269

TOP

3^# 大中小 young 發表於 2016-8-23 23:01 發短消息

越操越弗34D Coffee噴血有料着得少

有34D魔鬼身材嘅Coffee除咗上圍好好睇，其實佢整體身形都唔錯，加上佢勤做瑜伽，身形線條越操越弗，而佢又毫不吝嗇經常性地着比堅尼同bra top騷身材，視覺上好有刺激，唔講太講，去片。
from:http://hk.apple.nextmedia ... 160812/19733373

TOP

4^# 大中小 young 發表於 2016-8-23 23:37 發短消息

Coffee被男友笑醜

林芊妤（Coffee）、林雅詩與馮鎵瀅（Naomi）昨日出席旺角一家美容院活動，Coffee跟任職銀行的男友拍拖五個多月，男友已見過家長。對於日前遊澳門變成「大媽」，笑指連男友都問為何一秒變身，她說：「無諗過喺澳門都有人影，男友平時都鍾意我唔化妝。」而Naomi認識被傳是李思捷新歡的彭湘淇，但她覺得兩人並非拍拖，只是飲醉酒。

採訪：馬建華
攝影：陳順禎
from:http://hk.apple.nextmedia ... 160815/19736150

TOP

5^# 大中小 young 發表於 2016-8-24 00:18 發短消息

晒家中比堅尼Coffee親示範：冰山一角咋

嘩嘩嘩，男士請準備大量紙巾，今個星期會嚴重失血！

平時林芊妤（Coffee）已經好鍾意放啲性感泳衣相上網，唔係騷香肩就係露下腰，當然唔少得嘅梗係一對長腿同一條好成功嘅事業線啦。啱啱Coffee更新微博，唔係放相，今次係玩升級版，佢貼咗條着住唔同比堅尼嘅片，前後總共換咗5套比堅尼，仲套套都非常惹火，鼻血點止都止唔住。

但流完鼻血要好好休息下，因為Coffee昨日同《蘋果》講之後陸續有嚟：「其實平時好多人都問我，想我分享下啲比堅尼有咩款式咁。所以我拍咗條片，示範好多唔同類型嘅比堅尼，不過呢次只係花絮，正式會喺星期六放上YouTube。」Coffee仲話：「其實我只係show咗冰山一角出嚟，但已經擺到成枱都係。」
from:http://hk.apple.nextmedia ... 160820/19743784

TOP

6^# 大中小 young 發表於 2016-10-23 21:47 發短消息

Coffee男友睇騷互餵

DV圖片

林芊妤（Coffee）噚日傍晚同佢位6呎高嘅爆肌男友現身西九文化區，欣賞「自由約音樂會」，同行仲有幾個朋友，一班人邊睇騷邊野餐，天氣涼涼哋坐喺草地開大餐，又飲又食。爆肌男友大啖食三文治，而拎住支膠叉嘅Coffee，間中又搵個膊頭撞吓男友，又拮食物畀男友食，夠晒sweet。Coffee胃口大開食唔停，兩人都心情勁靚，全程有講有笑。

撰文：馮仁昭
from:http://hk.apple.nextmedia ... 161010/19795970

TOP

7^# 大中小 young 發表於 2016-11-18 01:23 發短消息

Coffee俾男友出賣食相

林芊妤（Coffee）成日都會擺相上網開心share，噚日佢就將一張咬住魚骨、食緊嘢嘅相放上微博，話有人成日唔同佢影相，一影就係佢未準備好嘅時間。佢口中呢個人係邊個？Coffee同馮仁昭講：「咪我男友囉！」

問Coffee係咪有分享症？連影得佢唔靚嘅相都唔介意放上網？佢就笑住話，因為男友已經有100次係咁，所以佢覺得好值得分享。

撰文：馮仁昭
from:http://hk.apple.nextmedia ... 161107/19824839

TOP