鄭中基開騷似放監

8^# 大中小 young 發表於 2016-11-18 01:56 發短消息

鄭中基為女兒戒煙

鄭中基為了子女，在家中說話變慢避免爆粗。

鄭中基做老竇後，由浪子變慈父被兩子女馴服，日前他接受網上爸爸平台訪問，粗口專家的他坦言：「喺屋企講嘢要好慢，因為要省略粗口，對住細路仔真係唔應該講。如果真係見到媽媽對小朋友講，我就會話：『呢個auntie曳曳嘞，唔應該講啲咁嘅嘢嘅……係都大個啲先啦！』」

為了做好爸爸，鄭中基在家中戒粗口戒煙，他說：「有小朋友之後係食少咗煙，因為我去到邊度食，個女都會飆到出嚟問：『乜咁臭呀？』唉！得嘞得嘞，然後整熄支煙。就算我喺屋企樓下車房，佢都會衝落嚟問：『乜咁臭呀？』我就會唔食，所以連老婆都話以後有乜嘢壞習慣想我改，就會同個女講。」

撰文：皓騫
from:http://hk.apple.nextmedia ... 161111/19829814

TOP

9^# 大中小 young 發表於 2016-12-10 16:24 發短消息

鄭中基紅館騷加歌

鄭中基昨日宣佈明年1月底舉行三場紅館演唱會。

鄭中基昨日假尖沙嘴舉行「鄭中基PLAY IT AGAIN世界巡迴演唱會」記者會，宣佈明年1月底舉行三場紅館演唱會，飛債纏身的他笑指近日突然多了親友要求訂飛，他本身不介意加開日場，但要視乎團隊能否配合。

鄭中基過去十年先後入紙紅館七次，直至在澳門開騷時才突然收到獲批消息，他自言是衣錦還鄉命，從台灣出道返港，先奪金馬獎再獲金像獎最佳男配角，他說：「上次澳門站只係做咗六成，因為技巧未配合到，今次會多番啲歌。」他笑指父親鄭東漢今次要求多添快歌讓他一展結他實力，問到女兒會否上台？他說：「佢鍾意即場創作，唔會同我合唱，其實屋企人仲雀躍過我。」

採訪、攝影：馬建華
from:http://hk.apple.nextmedia ... 161116/19834791

TOP

10^# 大中小 young 發表於 2016-12-10 17:40 發短消息

鄭中基門票沽清斟加場

鄭中基闊別紅館10年，明年1月27至29日舉行三場演唱會，門票噚日開售，唔止鄭中基叫助手坐定喺電腦買都搶唔到飛，好多粉絲都喺鄭中基個facebook專頁留言話上網買唔到，有歌迷就話通宵喺通利琴行門外排隊，以為排第一個會買到，點知一開門就話售罄，所以主辦單位已經同紅館傾緊加場。

撰文：馮仁昭

馮仁昭
from:http://hk.apple.nextmedia ... 161117/19835984

TOP

11^# 大中小 young 發表於 2017-2-5 01:05 發短消息

鄭中基畀華仔睇祝福片

鄭中基和太太余思敏昨日到醫院探劉德華，讚對方好靚仔。

劉德華上月在泰國拍廣告墮馬令盆骨骨折，在養和留醫，昨日鄭中基及太太余思敏，還有黃日華及太太梁潔華、余錦遠以及陳家碧夫婦到養和探華仔。鄭中基在演唱會尾場，呼籲全場歌迷開手機燈祝福華仔，他表示已給對方睇片，又指華仔好靚仔！

而黃日華報告華仔近況說：「叫我同大家講辛苦晒，早啲返屋企休息。」黃日華覺得華仔胖了一點，精神好好。他說：「可以坐到起身，但未落得床，唔使食止痛藥，醫生話佢康復進度快過預期！」黃日華透露華仔囡囡向蕙陪着爸爸：「新年應該要一家團聚，華仔囡囡好醒目，見我喺走廊除口罩，就話病房唔可以除。」

採訪：黃曉妍
攝影：仇志德
from:http://hk.apple.nextmedia ... 170204/19917152

TOP

12^# 大中小 young 發表於 2017-7-1 16:57 發短消息

鄭中基助陣賀女畢業

鄭中基與其他家長一起表演，囡囡Emma更坐上爸爸膊頭，甚有氣勢。互聯網圖片

鄭中基耐心地與Emma傾偈，盡顯慈父一面。互聯網圖片
鄭中基和有線前主播余思敏的大女Emma，原來已經幼稚園畢業，鄭中基昨在facebook貼上幾張囡囡畢業禮當日的相，留言說：「巨星有得收工，但爸爸全年24/7 Emma畢業啦！」余思敏亦有轉發老公的照片，並留言：「媽咪最唔捨得！」

照片中見鄭中基與Emma及大班同學仔上台表演，更把Emma放上膊，兩父女笑得相當開心。鄭中基昨透過助手回覆本報說：「Emma上台表演打鼓，因為佢（鄭中基）冇時間綵排，所以今日去到先請教其他爸爸，其他爸爸話即管望住佢哋嚟做。」

撰文：曹家誠
from:http://hk.apple.nextmedia ... 170629/20071911

TOP