鄭中基開騷似放監

1^# 大中小 young 發表於 2016-8-6 00:20 發短消息

相關主題: 鄭中基

鄭中基昨在澳門與太太余思敏以情侶裝現身。

鄭中基將於9月在澳門舉行「鄭中基PLAY IT AGAIN世界巡迴演唱會」，昨日現身澳門威尼斯人宣傳，公佈下週二開始售票。鄭中基太太余思敏現身活動支持，兩人同穿上情侶裝，十分恩愛。

過去鄭中基主力大銀幕發展，相隔十年再開騷，他在台上高呼：「好似放監咁興奮。」目前正投入狀態操肌，開始健身、跑步、節食，他說：「想弗啲，著西裝唔好凸肚腩。」演出時騷肌？他笑言：「想咗好多年，就係太愛啲肌肉，所以搵啲肥肉保護住佢，希望到時可以啦，要睇進度。」他透露想邀請梁漢文和顏卓靈做嘉賓。

採訪、攝影：卓寶花
from:http://hk.apple.nextmedia ... 160719/19700266

廷伸閱讀/相關主題推介:

相關主題:鄭中基

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-6 01:38 發短消息

鄭中基澳門騷反應好

資料圖片

鄭中基有成10年冇開過演唱會，雖然紅館最快明年先畀到期佢，但佢會係9月10號去澳門威尼斯人酒店舉行巡迴演唱會首站。門票前日開始發售，噚日已經賣晒，佢用WhatsApp回應話：「非常之開心，巡迴演唱會澳門站好快賣晒飛嘞，大家反應都咁好，大家都咁支持，好衷心所有嚟支持我嘅朋友。聽日香港售票網至開始有得賣，仲有小量門券嘅。」

撰文：馮仁昭
from:http://hk.apple.nextmedia ... 160728/19712726

TOP

3^# 大中小 young 發表於 2016-8-6 17:38 發短消息

鄭中基預告老竇玩結他

鄭中基透露全家大細將會到澳門支持他的巡迴演唱會。資料圖片
鄭中基（Ronald）9月10號在澳門威尼斯人酒店舉行巡迴演唱會首站，一日門票率先在澳門開售，到前日已經售罄。昨日輪到香港開賣，一早就見到Ronald在facebook留言，表示輕易買到兩張680元門票。他接受電話訪問時解釋原因：「之前有fans投訴澳門個server死咗，好緊張香港會一樣，所以今朝試咗入到，就即刻出番嚟，唔好阻住其他人買飛。」

Ronald透露今年是爹哋鄭東漢70歲大壽，演唱會時會上台玩結他，他說：「仔女都會一齊過澳門，特別係囡囡佢淨係睇過我演唱會DVD，所以佢知道我開演唱會好興奮，所以會一家嚟睇。」他透露希望明年可以在紅館開騷。

撰文：李森
from:http://hk.apple.nextmedia ... 160729/19713920

TOP

4^# 大中小 young 發表於 2016-10-23 22:28 發短消息

鄭中基計劃開棟篤笑

鄭中基和曾國祥（左）昨日客串新節目《碌咭大導》。

鄭中基和曾國祥昨日在觀塘一車房開工，友情客串Kevin Boy（KB）首次做微電影導演拍攝的ViuTV新節目《碌咭大導》。鄭中基和曾國祥分別飾演耶穌和車房仔，兩人都曾執導，今次到KB落場，鄭中基說：「幾好吖，慢吞吞。」並坦言暫無意再自導自演，因顧慮太多，曾錯亂到將對手對白一氣呵成，現正和林敏驄計劃開棟篤笑。

曾國祥說：「條衰仔（KB）成日咁無厘頭，都想睇下佢搞乜。」他執導的《七月與安生》稍後在港上映，原來內地已收1.6億票房，期望香港也有好成績。

採訪：卓寶花
攝影：陳俊強
from:http://hk.apple.nextmedia ... 161016/19801996

TOP

5^# 大中小 young 發表於 2016-11-5 18:49 發短消息

鄭中基個唱加場還飛債

鄭中基透露囡囡已籌備上台做嘉賓。

鄭中基（Ronald）昨日宣佈加開一場於明年1月27日（農曆年三十晚）的演唱會，信用卡優先訂票於今天開始，至於公開發售門票時間，要再留意他的facebook及主辦方公佈。Ronald為開20周年個唱，欠下一堆飛債，還找太太余思敏分擔責任：「我自己都好手緊，有諗過上網幫朋友㩒飛，但諗到同歌迷上網爭，我又唔忍心！𠵱家每日接電話都好緊張，朋友打畀我，我都講唔好意思，演唱會飛太太全權負責。」

Ronald表示囡囡Emma開始籌備上台做特別嘉賓：「Emma有少少音樂天份，會自己作歌仔填埋詞，同我一樣已開始為演唱會揀歌，每日都會改變主意要唱另一首，所以到時唱乜歌，要上台先知。」

撰文：非非
from:http://hk.apple.nextmedia ... 161102/19819426

TOP

6^# 大中小 young 發表於 2016-11-18 01:29 發短消息

鄭中基飛債未解決

鄭中基昨日出席新碟發佈會，支持好友陳少琪女兒陳明憙做音樂。

鄭中基（Ronald）昨日現身灣仔支持陳少琪女兒陳明憙（Jocelyn）新碟發佈會，24歲的Jocelyn現場大爆Ronald以前跟爸爸同居，Ronald笑說：「當時佢哋喺加拿大，陳少琪一個人喺香港，就嚟咗我屋企，嗰時好似多咗個女朋友咁，佢會問我幾時返、使唔使煮消夜？我仲幫佢伴奏。」

Ronald表示明年演唱會加開後，飛債仍未還清，會考慮舉行part2，囡囡也會上台唱歌：「佢派我出去先，跟住佢先出場。」而Jocelyn作歌都要爹哋審批。

採訪：羅慧敏
攝影：陳慧安
from:http://hk.apple.nextmedia ... 161108/19825881

TOP

7^# 大中小 young 發表於 2016-11-18 01:56 發短消息

鄭中基為女兒戒煙

鄭中基為了子女，在家中說話變慢避免爆粗。

鄭中基做老竇後，由浪子變慈父被兩子女馴服，日前他接受網上爸爸平台訪問，粗口專家的他坦言：「喺屋企講嘢要好慢，因為要省略粗口，對住細路仔真係唔應該講。如果真係見到媽媽對小朋友講，我就會話：『呢個auntie曳曳嘞，唔應該講啲咁嘅嘢嘅……係都大個啲先啦！』」

為了做好爸爸，鄭中基在家中戒粗口戒煙，他說：「有小朋友之後係食少咗煙，因為我去到邊度食，個女都會飆到出嚟問：『乜咁臭呀？』唉！得嘞得嘞，然後整熄支煙。就算我喺屋企樓下車房，佢都會衝落嚟問：『乜咁臭呀？』我就會唔食，所以連老婆都話以後有乜嘢壞習慣想我改，就會同個女講。」

撰文：皓騫
from:http://hk.apple.nextmedia ... 161111/19829814

TOP