秀智在劇中著校服扮中學生，清純可愛！《任意依戀》截圖
【三個粉絲追韓劇】「國民初戀」秀智在熱播韓劇《任意依戀》穿上校服扮中學生，雖然秀智已經中學畢業四年，但一樣清純可愛！細心觀測，劇中韓男韓女嘅校服雖然是同一樣嘅設計，但是，不一樣嘅感覺，橋妙原來是看校服是否由名牌校服商出品，只要畀得起錢就有Cutting，就可以修腰修身騷線條！
秀智畢業間中學專出明星，好似Joy（左）、Sulli（中）和惠利，校服都靚絕首爾中學界！
秀智讀嘅係首爾公演藝術高等學校，相中為正門。
秀智是畢業於首爾公演藝術高等學校，該校以出明星而著名，除了秀智，還有Girl's Day成員惠利、f(x)前成員Sulli、Red Velvet成員Joy等，而校服款式亦堪稱靚絕韓國中學界！不過，始終靚人襯靚校服，就算一身黃色嘅冬季校服都襯得起，而夏季校服則是上身白色恤衫，心口綁上綠色大蝴蝶結，配綠色半截裙。
呢位秀智學妹Pi Hae Li自稱做緊練習生，套校服盡顯佢嘅S身形。
呢位Wu Ha Na都係秀智學妹，話學校嚴禁化妝，係落咗堂先入廁所化。
三個粉絲動主播阿仙、viu韓劇導賞員Ruby和太成，專程去秀智學校見識見識，但現實總是殘酷的，當下午四時半放學鐘聲響起，一眾學生湧出校門時，根本搵唔到有明星相嘅學生！等了又等，終於發現一位令人眼前一亮嘅19歲學生妹Pi Hae Li，原來她正修讀實用音樂科，已經成為某娛樂公司嘅練習生，難怪一樣嘅校服，著出不一樣嘅感覺。她嘅校服窄身、修腰、逼爆，盡顯S身形！她摸著自己身穿嘅校服說，覺得綠色領口位最靚，但認為校服太窄唔方便。
在韓國，校服都有得追名牌，睇嚇代言人TWICE著啲名牌校服幾修身，幾有cutting！
EXO著校服都著得好型，不過話曬係名牌，梗係貴。
在韓國，想校服有窄身修腰嘅效果，原來搵品牌校服商就幫到你！Viu韓劇導賞員太成解釋，名牌校服商與普通校服商嘅分別是，用料更上乘，剪裁更修身，學生會著得又瘦又靚，又話：「無牌子嘅校服好似水桶咁，手、腳、腰嘅cutting都直一直，桶、桶、桶！」名牌校服商又會用韓星做代言人，例如EXO、TWICE等當紅組合。不過，羊毛出自羊身上，校服嘅價錢不是每個學生都付擔得起。近年，韓國經常有家長投訴名牌校服商嘅校服貴得太過份，所以學校變成與指定校服商簽約，要求學生經學校訂，減低價格又避免學生追名牌。
讀初中嘅李叡元話，韓國好多女學生都會有兩條校裙，入校門著長嘅，入咗去就換短嘅。
讀高中嘅李聖願話，男仔嘅打底衫無規範。
讀初中嘅李聖賢仲話，入到課室，啲男仔想舒服啲，會換便服，只要老師唔捉嘅話。
韓國學校嘅校服儀容規定，原來不比香港嚴格，例如鞋、外套、打底衫褲等都沒有特定規範，學生亦容易走「法律罅」！例如有化妝、有染髮嘅Pi Hae Li小聲地說，「校規好嚴o架！絕對禁止化妝和染髮，只不過因為我係練習生...」另一位有化妝嘅19歲女學生Wu Ha Na就笑言，「我落咗堂先去廁所化妝！」亦有女學生指她們會帶兩條裙返學，入校門時著長的，過關後便換一條短的。
港男港女就認為香港校規比韓國嚴格得多，例如校裙長度要及膝、皮鞋鞋踭要高過1.5cm、不可以穿船襪、不可以帶有色隱形眼鏡、劉海不可以長過眉、一定要穿白色底衫等。有位羅先生更分享一件經典事，說校方規定男生頭髮不可以過長，但有同學剪光頭也被罰，「老師話個同學頭髮過短，唔返得學，嗰學生咪話，『過長可以剪，過短唔通駁髮咩！』，但係最終都係無得返學！」
主持：動主播阿仙、Viu韓劇導賞員Ruby和太成
記者及繙譯：卓惠媛(Joyce)
攝影：陳家文、李錦鏵
《任意依戀》片段由Viu提供：
https://goo.gl/MlUIFc
【三個粉絲追韓劇】
http://hk.apple.nextmedia ... nimation/kfans/
from:
http://hk.apple.nextmedia ... 160719/19700481
