梁烈唯練定體能抱B

1^# 大中小 young 發表於 2016-8-5 22:44 發短消息

相關主題: 梁烈唯

（左起）梁烈唯、洪天明與吳家樂前日出席足球活動，宣傳「睇波不賭波」訊息。

梁烈唯（唯唯）、洪天明、吳家樂前晚在樂富出席「歐國杯2016睇波不賭波活動閉幕禮」，他們現場陪小朋友睇波，宣傳「睇波不賭波」訊息。

有消息傳唯唯的太太懷孕，問何時可以公開，他說：「差唔多喇，最緊要係安全同健康。」唯唯又指自己不賭波，希望將這訊息傳給年輕人，他覺得落注在運動項目上好討厭，所以從來不賭錢，只是試過跟朋友在賽馬銀袋日上夾10元一齊落注。近日他努力操練體能，希望有心有力抱自己的小朋友影相。

洪天明2月跟爸爸洪金寶拍完新戲，不用工作，心情放鬆，看來發福不少，但他強調磅數是輕了，拍完戲之後主要跟囝囝玩，又食到太太的好餸！

採訪、攝影：張俊銘
from:http://hk.apple.nextmedia ... 160713/19692072

廷伸閱讀/相關主題推介:

相關主題:梁烈唯

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-6 01:28 發短消息

梁烈唯

梁烈唯下月無工作，有高登友發起一人一蚊請他任人掟蕉。資料圖片
即將任父親的梁烈唯去年9月上載致敬照片擦內地鞋，被高登網友封「負皮王」，成為網民公敵。去年他為MasterCard宣傳，網民cut卡抗議。事業未見起色，小朋友出世又要支出，前日唯唯在微博留言𢱑撈：「我的整個8月份都有空，但我不想停下來！如果大家有工作的話，請聯絡我，謝謝大家！」更聲言不論酒吧騷、商演和真人騷等都一律歡迎。

唯唯發文自然引來高登友狙擊，有網友留言「28蚊一個鐘做倉，做唔做？」亦有高登仔發起「不如高登仔一人一蚊請佢出來俾我哋扔蕉！」

撰文：李森
from:http://hk.apple.nextmedia ... 160726/19709432

TOP

3^# 大中小 young 發表於 2016-8-6 01:31 發短消息

呼籲唯唯北上搵食「共青團」幫梁烈唯搵Job？

曾經喺高登勇奪萬五個負皮，又鬧過網民「我係擦鞋，你吹呀？」，「紅極一時」嘅梁烈唯估唔到都有要搲撈嘅一日！

日前唯唯喺微博連出兩個post話自己成個八月都好得閒，叫各路兄弟有job就搵佢做咁，仲要咩job都接咁話。負皮王搞到冇人敢搵佢，o依家老婆大咗肚，有家庭要照顧，唔俾心機搵多錢又點得吖。不過唔使驚！唯唯，國家終於有任務交俾你喇！

「共青團中央」嘅微博昨早轉貼咗唯唯之前嗰張「祖國萬歲」嘅相，仲要俾個心心佢o添！難道呢個唔係上位嘅好機會咩？

識睇一定睇留言，大陸網民嘅留言真係精彩絕倫！個個都爭住話﹕「這樣的人不用待何時？」、「一直覺得他特別帥」、「愛國人士工作要忙不停」、「不能讓心懷祖國的好演員被港燦給毀了！支持唯唯來內地發展！」、「突然覺得在生活在中國好幸福啊~~你只要你努力工作努力熱愛生活熱愛國家這個國家就不會忘記你！」、「支持愛國藝人，希望他能大火~~！」、「愛國boy不應該被封殺！」、「長得也不錯，三觀又正，來吧，大陸永遠給好孩子溫暖的懷抱！」有網民仲話，自己喺唯唯未出名嘅時候已經留意佢，話唯唯喺TVB做大茄嘅時候並沒有討好大陸之嫌，仲讚佢有樣有演技，比其他演員更適合演戲咁話。

睇到呢到，大家係咪覺得國家好偉大，好想接受國家嘅任務呢？
from:http://hk.apple.nextmedia ... 160727/19711087

TOP

4^# 大中小 young 發表於 2016-8-7 02:34 發短消息

梁烈唯

曾在微博貼「祖國萬歲」、公開認擦鞋的負皮王梁烈唯，日前在微博𢱑撈，有13億人做後盾的他果然立即有工開，昨日他貼了一張機艙相，今晚在南京錄影節目，不少同胞為他感到高興，留言包括「付出終於有回報，比香港發展前景好，加油！」、「哦哦哦！終於踏出第一步了，祖國大門歡迎你！」、「香港算個屁啊，你看大陸人民多喜歡你，希望你在大陸多多上節目！」
from:http://hk.apple.nextmedia ... 160806/19724685

TOP

5^# 大中小 young 發表於 2016-8-24 01:55 發短消息

梁烈唯榮升老竇為女戒煙買樓

梁烈唯噚日喺西貢出席活動，獲劇組同事恭喜佢即將做老竇。

梁烈唯前年同拍拖10年嘅女友Tina結婚，上年補擺酒，之後一直有傳佢太太有喜，到噚日唯唯終於喺微博報喜，留言自爆老婆陀女：「跟大家分享一下我的開心事，一個守了一段時間的公開秘密！就是我快要當爸爸了！」

諗定追仔

唯唯噚日透過WhatsApp回應話：「一知道有BB就已經好開心，之前忍得好辛苦，因為我唔係好守得秘密，以為係仔，諗住可以同佢一齊踢波，𠵱家知道係女都好正，女嗲爹哋多啲。」佢又話𠵱家想買樓，等爹哋、媽咪唔使擔心，佢話：「要孭一世，圓咗爹哋媽咪嘅夢，留到一啲實質有用嘅嘢畀下一代。」而且佢仲會為囡囡戒煙：「會改啲壞習慣同性格唔好嘅嘢，今朝起身第一件事就係丟咗包煙，飲酒就淺嚐啦。」佢仲話身教好重要。一向鍾意煮嘢食嘅唯唯會煲啲湯水畀太太補身，會以花膠為主，同埋都想追多個仔。以噚日唯唯公佈太太有喜3個月計，預產期大概係明年2月底。

梁烈唯噚日好開心宣佈老婆Tina陀女，預產期明年初。資料圖片
唯唯噚日喺西貢出席新劇宣傳，同劇嘅演員都有恭喜佢，佢話一早有人講笑預言佢生女，因對唯唯做咗太多衰嘢，不過佢就話亦都有人講係因為個爸爸聰明。講到近日要努力搵錢，佢就特別多謝林盛斌（Bob）：「佢遲啲會去大馬開棟篤笑，原本冇預嘉賓。阿Bob話唔緊要會撥佢啲酬勞出嚟請我，呢啲咪兄弟。」

撰文：馮仁昭
from:http://hk.apple.nextmedia ... 160823/19746437

TOP