好快又到書展啦!又係o靚模出寫真鬥出位嘅時機。
21歲姚紫茵（Bonnie）同27歲伍淑怡（YoYo）今個暑假一同出擊，分別推出個人寫真集火拚。Bonnie以至激半裸拍攝，分別有泰拳、廚房妹、車房妹同學生造型上陣，佢自己就話最愛其中一款濕身造型，可以顯示個人性感優美一面喎！講到意識大膽，有張對鏡頭食香蕉嘅相，Bonnie覺得冇乜嘢：「唔覺意識大膽不良，好普通啫，希望啲人睇咗寫真記得一日食一條香蕉，人都健康啲。」
至於YoYo就話要走優雅路線，作品要收起性感，今次寫真走訪沖繩、澳門同香港三個地方拍攝，大部份都係晚裝、露背鏡頭，服裝造型係特登搵設計師訂造。YoYo呢條優雅路線似乎唔夠力同其他o靚模火拚喎?但佢話經歷情緒困擾自殘後，唔想太坦蕩性感，佢話:「寫真集係未出事前開始影，集合我三個不同階段，包括最身心健康、暴瘦同增肥期，反映我經歷。」
from:
http://hk.apple.nextmedia ... 160707/19684326
