同裕美未斬纜黃子恆夜會朱晨麗「同兄弟食飯啫」

1^# 大中小 young 發表於 2016-8-5 18:07 發短消息

朱晨麗與黃子恆十分老友，皆因二人同屬一個經理人。微博圖片
黃子恆在無線捱了多年，近年遇上小生逃亡潮，令他有幸衝上二線。早前黃子恆卻被爆跟人妻裕美搞婚外情，有週刊更影到裕美在其寓所在露台晾bra，裕美亦承認跟黃子恆發展感情，而黃子恆表示裕美告知他已經與老公林恩浩離婚，日前他去樂易玲生日會時，卻又透露和裕美沒有再見面。

裕美與黃子恆事件發展至今不足一個月又有新進展，昨日有週刊報導，指本週一影到黃子恆夜會朱晨麗，報導指當日二人先與洪永城、唐詩詠及何雁詩等人打羽毛球，之後黃子恆陪朱晨麗返住所換衫，然後再往附近酒店餐廳食飯，還刻意選一個暗角位坐，食足3小時才離開。

黃子恆與朱晨麗日前連同洪永城、唐詩詠等人去打羽毛球，之後二人去夜會。微博圖片

裕美與老公林恩浩（右）搞離婚，並撻著黃子恆。資料圖片
見過鬼怕黑

記者問黃子恆是否因裕美的事情不開心，找朱晨麗傾心事？黃子恆回應並沒有關係，大家只是打波後一齊吃飯，表示跟朱晨麗只是朋友兼同事。《蘋果》昨日致電黃子恆，問他是否與朱晨麗拍拖？他說：「梗係唔係喇！梗係唔係喇！」是否見過鬼都怕黑？他直言：「梗係驚喇！但我都係同兄弟食飯箒，我哋出入餐廳影到就作咁多嘢！我都唔知點，其實唔好意思，我唔係好方便回應咁多，多謝關心！」不過，據知黃子恆和裕美並未割席，只是雙方有共識先專心工作，待裕美處理家事後，再考慮會否復合，這期間不會見面。

採訪：非非
from:http://hk.apple.nextmedia ... 160707/19684064

廷伸閱讀/相關主題推介:

相關主題:裕美朱晨麗

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-5 22:43 發短消息

傳女方婚前偷食童顏張彥博同裕美婚事撻Q

裕美背住人夫偷食大台藝員黃子恆，事隔近一個月，女嘅話要冷靜吓，兩個男嘅亦封口潛水，偷食事件算係告一段落。

前日裕美29歲正日生日，佢冇陪新歡，咁更加唔會見舊愛啦！壽星女反而約咗王君馨同楊明一班藝人，一齊食飯慶祝。

講番裕美嘅情史，佢除咗同過E-kids嘅阮民安拍拖，亦試過同陳柏宇行埋。不過最經典嘅係，大台呢期熱爆嘅「廢青」張彥博(亦係前組合「赤子」成員)，原來亦同裕美有個一段情，裕美仲幾乎做咗張太㖭！

喺5年前，張彥博喺教會識咗仲未做人妻嘅裕美，二人仲影埋結婚相，盛傳好事近。當時裕美喺微博貼圖寫道：「我們的結婚相。」2011年2月，兩人出席教會活動「Love is.....Concert2011」，甜蜜拍照，又大談婚事及性事。裕美當時話婚期未定，但應該唔係今年嘅事，又直言：「信主後，我啲貞潔返咗嚟，雖然之前已經冇咗！」至於張彥博都甜絲絲謂：「追咗佢(裕美)好耐，05年首次見面，佢對我一直都忽冷忽熱。」

點知婚照曝光冇耐，裕美就俾人撞破同鼓手鄧應祈喺車廂激咀，有指當時裕美仲同記者求繞，不過一腳踏兩船事件，令佢同張彥博嘅婚事撻Q，而激嘴男就扶正變做男友，佢哋拍拖兩年分手。

裕美接二連三同「偷食」扯上關係，張彥博作為第一代受害男，今日佢就喺電話回覆傳媒話：「其實到o依家都有同裕美send message聯絡，我都有叫佢諗嘢正面啲！」問到佢係咪差啲同裕美結婚，張彥博就有啲隱晦咁話：「總之我哋係friend底！」至於嗰張「婚紗相」，張彥博解釋：「嗰次同裕美着婚紗禮服，係幫祖藍首歌《祢永遠不會改變》拍mv。」
from:http://hk.apple.nextmedia ... 160713/19692329

TOP

3^# 大中小 young 發表於 2017-7-3 16:51 發短消息

裕美黃子恆前後腳賀樂易玲

裕美（左）前晚孖王君馨結伴到場，與黃子恆（小圖）前後腳出席樂易玲生日飯局。

無綫高層樂易玲前晚在灣仔合和中心慶祝58歲生日，請了一班影視圈好友出席，包括曾志偉、鄧萃雯、王敏德、蔡思貝、馮盈盈、黃宗澤、吳卓羲、新婚的王君馨，以及前後腳到場的裕美及黃子恆等。

樂易玲前晚獲馮盈盈（右）及蔡思貝現身祝賀。

黃子恆曾捲入裕美夫妻離婚風波，有指裕美離婚後與他拍拖，但於去年底分手，惟數月前又傳出樂易玲細仔Ryan對裕美有好感，但樂易玲替兒子否認。吳卓羲受訪時表示：「知道樂小姐鍾意飲酒，所以我今晚特登帶咗大大支紅酒嚟賀壽。」黃宗澤被問到有送甚麼賀禮時，他說：「冇預備禮物，不過唔緊要啦，後補都可以。」

採訪、攝影：黃曉程、羅德光
from:http://hk.apple.nextmedia ... 170703/20076707

TOP

4^# 大中小 young 發表於 2017-8-15 20:08 發短消息

撐枱腳擺明想發展裕美冧讚台灣男「可愛生意人」

【新歡】
日前裕美跟四眼男在灣仔撐枱腳，被讀者透過「爆相爆片」分享。讀者提供圖片
【爆相爆片】裕美去年跟黃子恆爆婚外情後，同時被揭疑遭家暴，雖然最後跟前夫林恩浩離婚，但她和黃子恆亦分手收場。情路崎嶇的裕美，日前跟四眼男在灣仔撐枱腳談心，被讀者王小姐透過「爆相爆片」分享，似乎坎坷過後又有艇搭。

王小姐指當晚約7時許，在灣仔Pirata見到裕美跟四眼男蜜會：「聽到男人講普通話，佢哋不停交換手機睇，好似互相了解中，傾偈時裕美不停點頭，好欣賞佢咁，餐廳10點半關門，佢哋都傾到唔捨得走。」記者致電問裕美是否拍拖？她甜笑說：「朋友嚟之嘛，佢係台灣人，嚟香港難得見面，咪食咁耐囉，佢似追我咩？」

【前夫】
裕美被揭疑遭家暴，結果與林恩浩結束夫妻關係。資料圖片

【前男友】
去年黃子恆和裕美的情慾短訊曝光，搞到他要拍片道歉。資料圖片

近日勤力做運動的裕美，坦言自己都心急搵好對象。互聯網圖片
「鍾意人聽佢講嘢」

裕美坦言兩人相識不久，對方是做生意的，更爆兩人都鍾意畫畫，彼此有共同興趣，她說：「佢畀我睇佢畫嘅畫，覺得一個生意人，畫條魚、大廈，好純真好可愛。」問到有否機會發展？裕美含蓄表示：「未知喎，所有情侶都係朋友開始，唔知邊個係，人哋可能唔係鍾意我呢！」

對於讀者指裕美表現得很欣賞四眼男，她說：「因為我嘅母語唔係普通話，要好留心聽佢講嘢，佢話好開心可以傾好耐偈，男人都係鍾意人聽佢講嘢。」記者祝她搵個好男人，裕美坦言：「我都有留意緊，你都知我曾經失敗過，自己都有保留，希望識一個人耐啲先講。𠵱家了解緊，大家都係做朋友先。」問可介意遙距戀愛？裕美說：「首先我唔介意，但唔一定係佢，最緊要溝通，否則喺隔籬都可以距離好遠，老實講我都心急，但有啲嘢冇得急，而且自己唔想再錯喇！」

採訪：皓騫
from:http://hk.apple.nextmedia ... 170811/20117554

TOP

5^# 大中小 young 發表於 2017-8-15 20:08 發短消息

泊過阿叻碼頭裕美背夫搭上黃子恆

裕美14歲入行，至今15年，佢嘅演藝生涯同成績，絕對同「精采」呢個term扯唔上關係，但係佢啲緋聞，都幾曲折離奇。

唔計嗰啲唔出名嘅，裕美曾同現今已為人夫嘅陳柏宇拍拖，仲傳到兩人同居，女方係唔認戀情嘅，係陳柏宇舊年做電台訪問時，坦承曾經拍過拖，只係感覺冇咗就分手。到2011年，有傳裕美同前赤子成員張彥博拍拖，兩人仲分別喺微博貼過結婚相，當時裕美講到係會結婚，但係因為經理人及唱片公司合約問題，唔可以宣佈住，點知婚都未結，裕美就被發現同鼓手鄧應祈咀嘴偷食，有傳裕美求記者手下留情，最後同張彥博散咗，婚事撻Q，裕美男友變成鄧應祈；而裕美亦唔認同張彥博拍過拖。

去到2013年，裕美同鄧應祈分手，同年年底就高調宣佈嫁畀拍拖一年嘅林恩浩（Jason），Jason喺婚前一個月旺角行人專用區向裕美跪地求婚，兩公婆更喺婚後翌年，齊齊到澳洲working holiday，點知遇人不淑，被人呃，仲要倒貼開工，後來兩人「回流」返港。

去到舊年，好可能係裕美至今喺媒體曝光率最高嘅一年，佢被揭背夫Jason暗交無綫藝員黃子恆，揭吓揭吓，仲涉家暴同疑有情慾短訊，件事越搞越複雜，當時裕美聲稱搞緊離婚，但Jason拍片反擊踢爆，黃子恆後來亦拍片交代。結果，裕美同黃子恆都係分手收場。

而最近一次同裕美扯上關係嘅異性，係今年4月，有傳大台高層樂易玲幼子Ryan，同比佢大8年嘅裕美去談心，仲被人見到Ryan捉住裕美隻手嚟貼住自己隻手，當時裕美話當對方係細佬，咁大家就留名等睇下集啦…
from:http://hk.apple.nextmedia ... 170811/20118448

TOP