袁澧林
英文名：Angela
年齡：22
身高：1.7米
體重：52公斤
演出經驗：美心蘿蔔糕、Watsons廣告等
新台ViuTV敢於創新，除有新節目，亦有新面孔。ViuTV下月開拍的處境劇《三一如三》起用氣質新人袁澧林（Angela）做主角，成功帶出一位新女神！
Angela早前替ViuTV拍開台網劇《WEIU》已嶄露頭角，不賣萌樣，亦沒有大眼濃妝；一頭清爽短髮加上淡淡妝容，反而更加吸引。有網友封Angela做「文青系女神」，覺得她不止靚女，還具仙氣。模特兒出身的Angela昨日在電話中表示受寵若驚：「好少形容自己係文青，可能大家未發掘我另一面，其實我都好sporty、跳跳紮，仲係一個好大膽鍾意冒險嘅人，希望遲啲以唔同角色，畀大家認識更多面嘅我。」對於被捧做「ViuTV女神」？她說：「更加係超意外驚喜，估唔到免費電視力量咁大，大家對ViuTV期望咁高，覺得時勢造就咗我。」
袁澧林（左）是陳瀅的師妹，今年為本報拍攝賀年照，即場寫揮春。
資料圖片
Angela早前與朋友到越南旅行，街頭留影一樣咁省鏡。
袁澧林積極參加學生會活動，是浸大學生會幹事會候選內閣「灝聲」的成員。
浸大會計系學生
Angela繼續賣口乖，表示好開心ViuTV給予拍劇機會﹕「《三一如三》係我第一部劇，覺得ViuTv都幾創新同大膽，其實有諗過如果佢揀有知名度嘅演員，會比較穩陣，但佢哋都決定畀機會我哋一啲年輕人，我覺得幾驚喜，可能係導演陳志發自己本身都係新晉導演。好多謝ViuTV呢個電視平台，俾機會給我哋呢班冇知名度嘅新人，培育我們，令觀眾可以透過這平台認識我們，給大家有唔同選擇。」
今年22歲、身高1.7米的Angela現就讀浸大會計系三年班，中學時參與過六四及七一遊行，她說：「自己係大學生，對社會事情會好敏感，每個人都應該瞭解時事，想盡自己能力關心多啲社會嘅人同呢個社會。」Angela表示家人好支持她入行，稍後還會接拍一部澳門電影《哪一天，我十七》。
採訪：皓騫、嵐山
from:
http://hk.apple.nextmedia ... 160424/19583688
