前無綫新聞小花黃紫盈，認為主播經驗有利日後工作。
黃紫盈和白只前晚在金鐘出席張經緯執導的紀錄片《少年滋味》首映禮，被問到前女主播繆美詩在專欄批評指，有前主播將專業淪為笑話，紫盈坦言有留意文章：「我離開咗主播崗位之後，主要做旅遊同飲食節目，以前嘅職業係幫到工作，每個人都有過去，都明白前同事被代表，會唔開心，但每個人都有言論自由，最緊要問心無愧。」有指事件涉及方健儀，紫盈就回應指之前和繆美詩、方健儀一起主持環保節目，每人都有為節目努力。
此外，白只透露正積極綵排與王菀之合作的舞台劇，扮演按摩師的白只被問到要為人妻按摩會否尷尬？白只笑說：「佢係專業演員，好快就好誠實咁叫我大力啲，其實我哋個好friend。」
採訪：羅慧敏
攝影：仇志德
from:
http://hk.apple.nextmedia ... 160529/19631839
