魏秋樺（左三）及趙汝強（左四）昨出席敬老活動，提到亞視均感無奈。
魏秋樺及趙汝強等昨日於旺角出席敬老活動，對於有亞視員工欲向亞視申請強制清盤，已離開亞視的趙汝強被問到此事，他說：「我唔會參與呢件事，清盤當然係唔好，但大家都知𠵱家亞視嘅情況係頭痛醫頭、腳痛醫腳。」他又指亞視員工現時大部份已離職，故亞視現在仍能保持廣播已經是好事。一向負責亞洲小姐競選的趙汝強，被問到亞姐可會爛尾收場？趙汝強坦言：「成事嘅機會好微，我自己都好心痛，都希望亞姐有好結局，個尾收得靚啲。」魏秋樺亦說：「不如真係拔喉，呢個決定好難做，大家都唔想。」
另一方面，亞洲會理事長王文漢透露曾與亞視前股東王征通電，並說：「佢喺國內打畀我，好關心亞視狀態，佢係第一個受害者，佢都係想保存自己嘅資產。」此外，近日又有消息指亞視將於本週五向員工發放12月和1月的薪金。
採訪、攝影：譚倩宜
from:
http://hk.apple.nextmedia ... 160217/19493635
