蘇玉華昨日生日，前晚騷後台前幕後為她慶祝。
舞台劇《狂揪夫妻》口碑載譽，女主角吳君如因湊女辭演，《狂揪夫妻二度勁揪版》由舞台劇演員出身的蘇玉華頂替，前晚在灣仔演藝學院正式公演，完騷後，現場的工作人員推出一個生日蛋糕為昨日48歲生日的蘇玉華慶祝，令阿蘇又驚又喜。
阿蘇雖然今年生日會在工作中度過，不過男友潘燦良已經訂枱，準備明日一齊食飯慶祝，阿蘇說：「日日都咁多人陪我慶祝，日日咁多人陪我玩，冇所謂。生日願望係餘下13場演出成功，男友訂台同我食飯，下星期一會休息。」
蘇玉華指首場舞台劇有甩漏，幸好秋生執生挽救。
載譽重演，秋生和阿蘇對首場表現滿意，秋生說：「好順利，觀眾反應好好，比第一次做有少少唔同。」阿蘇則認為劇中有不少粗口，要多多向秋生學習流利的粗口：「劇情需要講咗唔少粗口，我都係跟劇情，唔會講多，我以前粗口唔流利，有啲音仲係發唔到，真係要同秋生學嚇嘢。仲有一開始有啲甩漏，好彩有秋生幫我執生。」
採訪：曹家誠
攝影：陳順禎
from:
http://hk.apple.nextmedia ... 160117/19455183
