李蘊結婚了！好姊妹何超蓮鄧紫棋G.E.M.感動落淚

24歲嘅李蘊結婚了！原來佢同拍拖三年嘅生意人羅章冠早已註冊，噚日喺海南補擺喜酒，好姊妹何超蓮同G.E.M.鄧紫棋都有出席，二人噚晚仲影相拍片，喺網上直擊好姊妹嘅婚禮。G.E.M.喺IG表示:「想起我們曾一起在家裡哭、想起曾經受傷的妳是如何慢慢遇到幸福，這一刻真的很感動！你很美，從內到外！你是最美的新娘！」而超蓮表示:「看著你們開始談戀愛到現在走到結婚步入禮堂，實在是太替你開心了！感動到眼淚一直流寶貝你會一直幸福到老的！我愛你。」

噚日超蓮接受本報訪問話好戥一對新人開心，佢話：「睇住佢識呢個男仔，一齊到O依家結婚，我哋3個佢係第一個嫁，好戥佢開心，頭先個男仔講『我願意』佢又講『我願意』時，我啲眼淚係咁係咁流，覺得好感動，祝佢幸福，快啲生仔，繼續幸福落去。」

G.E.M.都一樣感動落淚㗎，佢接受本報訪問話：「非常之恭喜Renee，因為今日我同超蓮聽到佢老公好堅定咁講我願意，而Renee又好堅定咁講我願意嘅時候，我哋兩個都喺度喊，覺得太感動喇，真係好唔容易，因為同Renee識咗咁耐，見過佢好多唔開心嘅時候，見過佢好多好脆弱，需要畀人鍚畀人保護嘅時候，而今日佢終於搵到佢自己嘅幸福，實在太開心喇。」

李蘊12年同魔術師劉謙分手之後，就同任職銀行嘅羅章冠拍拖，拍拖嘅呢3年期間，李蘊不時都甜蜜蜜被影到同男友一齊，感情相當穩定，年前更不斷暗示對方係真命天子，嫁硬咁嘅樣，仲曾經講過想25歲前結婚，如今真係夢想成真！而李蘊經理人Peter就話羅章冠o依家轉行做生意，仲讚佢係實幹嘅人。

一對新人昨日於海南補擺喜酒。(超蓮IG圖片)

好姊妹何超蓮和G.E.M.齊穿禮服送上祝福。(超蓮IG圖片)

李蘊裙褂造型，成手都係金鈪。(微博圖片)
From:http://hk.apple.nextmedia ... 160104/19438367

李蘊與老公羅章冠前日在海南補辦婚宴，被老公輕吻面額的她一臉幸福。

踏入2016年，現年24歲的李蘊搶閘報喜預告生猴B，驚爆去年6月已榮升人妻，秘嫁內地有米男友羅章冠，前晚在男方的家鄉海南補擺婚宴，好姊妹何超蓮和G.E.M.（鄧紫棋）亦有出席，新郎深情演繹《喜歡你》送給愛妻，李蘊感動流下甜蜜的眼淚！據知，人妻李蘊已全速造人成功，昨露口風默認雙喜臨門，雀躍說：「我都想要馬騮（猴年BB），可唔可以龍鳳胎呀？」

入行11年、13歲以組合Cream加入樂壇的李蘊，轉眼已經24歲了，數年前與魔術師劉謙分手後，李蘊戀上內地有米男友羅章冠，兩人拍拖3年修成正果，前日在海南補搞儀式和擺酒，好姊妹超蓮和G.E.M.陪嫁。昨日人妻李蘊接受電話訪問說：「我哋註冊咗半年，去年6月8日喺廣州註冊，因為我𠵱家唔係成日出嚟做嘢，另一半唔係圈內人，所以低調啲，完咗婚禮先公開。」問到幾時生BB？開心的李蘊忍唔住露口風：「想快啲有好消息，有嘅時候會公佈，我都想要馬騮，努力啲可能得，嘻嘻！」問是否未夠3個月唔講得？李蘊支吾說：「總之有好消息會公佈。」是否奉子成婚？她繼續封嘴說：「遲啲先講啦，我哋都結咗婚半年。」鍾意仔還是女呢？她笑說：「可唔可以龍鳳胎呀？哈哈哈，希望啦，呢啲順其自然冇得揀。」

僅籌備三星期

回想當日老公求婚，李蘊說：「都係買戒指，我唔係要求好浪漫，都係喺屋企，大家認真心態，其實都嫁硬。我未試過拍咁長拖，遇到啱要捉實啲，珍惜！」雖然註冊半年，但前日才擺酒，她說：「呢個婚禮好倉卒，因為註咗冊已經覺得結咗婚，但屋企人想有真正婚禮，所以男家擇日，兩三星期前先揀好日子，籌備好趕，因為佢鄉下喺農村，我哋要返去祭祖，噚日婚禮都好感動，先生唔係浪漫嘅人，佢喺台上講嘢好感動，承諾我父母好好照顧個女，會令我幸福，係女仔聽到另一半講都感動，新郎同成班兄弟唱《喜歡你》，自己全晚喊咗兩三次，始終一生人一次人生大事。」

去年6月，李蘊與羅章冠在廣州已正式註冊。互聯網圖片

李蘊默認陀猴B，笑言希望生龍鳳胎。

超蓮（左）與G.E.M.都戥好姊妹李蘊開心。

超蓮冇帶賀禮

至於超蓮和G.E.M.都到海南飲喜酒，大露背的G.E.M.更透黑底。李蘊說：「G.E.M.同超蓮唔係做姊妹，唔想麻煩佢哋，想佢哋開開心心飲一餐，見證我呢個時刻，佢哋好忙，抽時間好難，我咁急通知都過嚟，真係好姊妹。」對於兩人都感動到喊，李蘊笑說：「超蓮喊得勁啲，佢喺台下攞住手機邊影邊喊，佢話第一次參加婚禮喊，自己都好感動。」問到兩人送甚麼賀禮？李蘊說：「送祝福囉，因為何小姐話唔記得帶禮物過嚟，返香港先慢慢計。」李蘊還踢爆：「鄧小姐好恨嫁，佢話好羨慕。」會唔會介紹男仔給他？李蘊說：「我同佢識嘅男仔唔同圈子，可能佢鍾意類型又唔係我鍾意類型，好難介紹畀佢。」

嫁有米老公做豪門新抱是否有壓力？李蘊大叫：「梗唔係，係普通家庭，打份工自己做起，冇父蔭，總之唔係豪門禮金。」婚後會否退出娛樂圈？她說：「唔會話退出，做呢行又冇話退出，可能多啲嘢做或少啲嘢做，結咗婚唔同階段，佢唔會干涉我工作。」

採訪：皓騫

前晚婚宴，李蘊大讚老公在台上的情深說話好感動。互聯網圖片

羅章冠鄉下在農村，李蘊隨老公回鄉祭祖。微博圖片

李蘊直言冇收豪門禮金。
from:http://hk.apple.nextmedia ... 160105/19438792

何超蓮笑罵姊姊超雲（左）日前與媽咪陳婉珍逛街購物，沒有她份兒。互聯網圖片
何超蓮跟台灣男歌手吳克羣分手後，感情生活變得多采多姿，理應不愁寂寞，不過昨日凌晨她在微博留言，埋怨姊姊超雲撇下她，與媽咪陳婉珍逛街購物，似乎沒約會相當清閒。超蓮轉貼了一張超雲跟媽咪坐在一間更衣室內聊天的照片，當時超雲給超蓮留言：「我們只是選了一個好地方聊天，順便逛逛，絕對沒有騙你。」

何超蓮
超蓮就貼了憤怒及流淚的公仔圖案回應姊姊，留言：「你們兩個！難道我會看不出來這是太古廣場Harvey Nichols的更衣室嗎？每次逛街都不帶我。」兩姊妹的開玩笑吵鬧，其實相當可愛。

撰文：陳以晴
from:http://hk.apple.nextmedia ... 160120/19458489

超蓮（中）前晚飯後跟G.E.M.去溜冰，有高大男在旁傍實。讀者提供圖片
【爆相爆片】李蘊前晚與何超蓮及鄧紫棋（G.E.M.）在中環Sevva姊妹淘，超蓮近期行得最埋、大熱真命天子的霍啟山亦是座上客。四人齊齊離開，但啟山甫見有記者影相，即避忌同頭耷耷，之後獨自溜走。記者問超蓮是否帶男友見好姊妹，她笑笑口：「唔係，係朋友，你哋唔好亂寫，真係只係朋友。」

原來超蓮與G.E.M.之後有節目，讀者周小姐透過爆相爆片，透露二人前晚、相信是晚飯過後在太古城溜冰，同場還有兩名男士齊齊玩，其中一位是與G.E.M.傳緋聞的Marcus，不擅溜冰的超蓮更拉着Marcus褲頭。此外，G.E.M.傳撬走好友JW的男友Mark後，昨日內地有報道指她與參加歌唱比賽出身的歌手華晨宇於去年10月已撻着，更有二人在深圳蹺實拍拖的相片。G.E.M.透過經理人公司回覆：「涉及藝人的私人生活，避免炒作，就不回應了。」李蘊昨日就笑她日日緋聞，表示未有見過華晨宇及指好友是單身。

採訪：楊浩賢
攝影：潘冠恩、陳辰

G.E.M.昨日又爆新戀情，內地傳媒拍到她與歌手華晨宇在深圳蹺實夜會。

啟山也是超蓮跟兩個閨蜜飯局的座上客。

超蓮（右）前晚與李蘊飯敍後，小心安頓大肚的李蘊上車。
from:http://hk.apple.nextmedia ... 160122/19461884