可能不是人人都知25歲的遊學修是誰，但肯定大部份港女都知35歲的劉鳴煒是富豪劉鑾雄的長子！前晚港台節目《我係乜乜乜》舉行男神選舉，在場的港女初時選隱在布幕後的遊學修為男神，但當兩人的「真身」現形後，港女竟轉軚令劉鳴煒反敗為勝！遊學修昨直指跟劉鳴煒的政見和價值觀出入太大，自己不會選他做男神，蘇麗珊亦力撐男友：「我係屋邨妹，才華先吸引到我。」
劉鑾雄和元配寶詠琴的長子劉鳴煒，擁有倫敦國王學院法律學士、倫敦經濟及政治科學學院法律碩士及倫敦國王學院法律哲學博士學歷，還有香港華人置業主席的銜頭；遊學修則是網絡創作團體「學舌鳥」成員，去年拍電影《哪一天我們會飛》才嶄露頭角，畢業於香港演藝學院的電影電視學院，兩人背景一天一地。前晚播出的港台節目《我係乜乜乜》舉行男神選舉，請兩位候選男神坐在布幕後，接受現場港女「評判」質詢。
遊學修（左）跟劉鳴煒的背景一天一地，兩人在港台節目的男神選舉測試港女心態，高富帥的劉鳴煒現真身後反敗為勝。
女神蘇麗珊昨出聲撐男友：「我係屋邨妹，才華先吸引到我。」資料圖片
劉鳴煒鬧現實
隱身在布幕後的劉鳴煒，介紹自己在外國讀書，金融、地產，甚至航空跟教育都曾涉獵，遊學修就坦言：「我都算係市面上普遍稱為嘅廢青。」首回合，劉鳴煒得6票，遊學修有7票。第二回合，港女問如做律師，佔領中環得罪內地客人，你會否去做？遊學修說：「如果你覺得支持正確嘅事情，係會影響你冇咗份工，咁你要諗嚇香港發生緊乜問題。」劉鳴煒被問到會投哪個政黨時說：「我認為冇一個代表到我，一係太老餅，一係唔熟悉政治遊戲或成個生態。」遊學修則說：「我唔會投畀建制派，喺未有出現新力量之前，呢刻我可能揀投白票。」結果劉鳴煒僅得2票，遊學修有11票。
然而，當布幕升起後，港女見到遊學修即變臉冇表情，揀中劉鳴煒的兩位港女就拍手尖叫，之後港女竟轉軚令賽果逆轉，最後劉鳴煒獲8票，遊學修以6票落敗。港女自辯：「我𠵱家揀男神純粹睇樣」、「你都靚仔，但好𡃁仔樣，佢真係成熟穩重同埋隻眼好靚好鍾意。」對於賽果遊學修在節目說：「我諗第一件事，要唔care啲人窮囉，我同劉生最大分別係呢樣嘢。」劉鳴煒坦言：「一個係樣貌，第二個可能咁講係背景。」結果網友紛紛狠插港女。昨日劉鳴煒亦在fb留言：「我只可以話，女士們的眼睛是雪亮的（且極度現實的）。至於金錢和物質，如果呢啲係兩個人感情嘅基礎，咁呢段關係又會有幾堅固呢？」
【1】
遊學修和劉鳴煒隱在布幕之後，接受港女「評判」發問質詢選男神。
【2】
【得兩票大落後】
第二回合，劉鳴煒僅得兩票以大比數落後。
【3】
轉軚港女（箭嘴示）自辯：「我最後覺得整體長相和整體組合好重要。」
【4】
【兩票之差反勝】
兩人現真身後港女即轉軚，結果劉鳴煒有八票反敗為勝，遊學修僅得六票。
價值觀大分歧
而在fb指劉鳴煒「堅離地」的遊學修，昨日身在內地，問他如果是觀眾，會揀誰做男神？他在電話坦言：「我兩個都唔會揀，劉生政見同價值觀同我出入太大，冇乜可能係我心目中男神，佢唔係好知道香港廣大市民生活發生乜事，遊學修就未夠班太幼嫩，我覺得男神要有咁上下見識同人生歷練，亦要高大靚仔，我覺得呢啲條件佢都冇。」是否覺得港女好現實只揀高富帥？他說：「呢班女觀眾好真誠，喺我面前都轉軚，佢哋覺得男神要靚仔，覺得劉生好成熟穩重而揀佢。」問女友蘇麗珊有甚麼反應？他大讚：「佢唔係好睇樣又唔係好睇錢，佢個人唔係好異類。」
劉鳴煒獲勝後說：「港女真係好現實。」
蘇麗珊亦在電話力撐男友：「我當然會堅持揀番遊學修，可能我同佢哋想要嘅嘢唔同，可能佢哋抱住一個做節目唔使咁認真心態，認得佢係富二代先轉軚，自己都係屋邨妹，反而會覺得同太有錢嘅人一齊會唔舒服，大家一齊捱嚇都係樂趣，才華先至吸引到我。」
採訪：皓騫、非非
from:
http://hk.apple.nextmedia ... 160104/19437846
