韓君婷早年在新加坡意外跌倒導致鼻骨移位破相。今年7月回流返港後，韓君婷復出態度積極，除了四出找工作機會，更公開表示會接受鼻骨整形手術，希望重拾昔日美貌。
昨日韓君婷現身港台為普通話台錄音，鼻形明顯有所改善，比早前更自然。問到她有關鼻骨手術時承認已經完成第一期手術，她說：「之前有去照骨，自己唔係機器，唔係一返來就整得，同埋年尾及聖誕好多醫生放假，唔可以咁急，明年將會進行第二期手術。」
韓君婷明年會接受第二期手術，回覆靚鼻指日可待。
唔心急返無線
昨日有報導指韓君婷心急搵錢做矯形手術，除了簽約商場騷包薪月入4萬，上個月秘密會見無線高層，更有意拍劇。問韓君婷是不是等錢使，所以平價頴撈返無線，她否認說：「係傾緊一啲job，未落實。需要時間，就算係傾都未必即時，可能出年先得。」她強調不是價錢問題，最緊要是工作方向，無論拍劇、做節目、做司儀都無所謂，她更形容自己似樓盤：「自己係open option，好似樓盤咁，可能人哋以為2015年尾樓盤好貴，但係我一向收得唔貴。」
曾患抑鬱的韓君婷，對於所有不利傳聞不以為然，不過曾經跟經理人鬧翻的她，明言要找一個好的經理人，她說：「其實每次傳版本都唔同，有時話封殺，有時話好好，每日傳方向唔同，總之好多嘢係其他人理解，𠵱家未confirm，自己唔係急於搵工作，自主權大，唔想求其搵，想搵夾嘅經理人。」
韓君婷之後會接拍一個廣告，不過她強調不是矯形廣告，而她亦不會接受任何鼻骨手術贊助，她說：「手術我係寧願自己畀錢，之後係有一個廣告配合，𠵱家都係傾緊。」
採訪、攝影：王連連
from:
http://hk.apple.nextmedia ... 151218/19416332
