亞視明年4月1日免費電視牌照到期，即使早前有新股東、山東商人司榮彬泵水注資，但有指未獲通訊局批准股權交易，亞視原定昨日是股權交易最後限期，目前新股東司榮彬只向王征等人交出5,000萬定金，餘款數億元仍未繳付，交易隨時爛尾，並傳出亞視可能要提早拉閘，有電子傳媒都派出採訪車到亞視大埔總台外守候最新消息。
亞視前景不明，但亞視發言人昨回覆記者時稱公司運作一切正常，辭任執行董事的葉家寶，仍留任高級副總裁的他昨沒返工，但今日會如期到深圳出席亞姐中國區總決賽，葉家寶昨透過WhatsApp回覆說：「我現不回應公司事務，請找公關。」亞視前高層盛品儒昨也說：「聽聞好似仲交易緊，唔太清楚。」本報記者昨聯絡亞視經理人德勤，但至截稿前未獲回覆。
亞視今日如常在深圳舉行亞姐中國區總決賽，眾佳麗前日還更大玩水戰。
趙汝強：起碼做埋亞姐
亞視副總裁趙汝強表示仍有員工未出上月薪金，即使面對重重困難，今日如期搞亞姐活動，但本月20日亞姐總決賽就會延期，他強調即使缺乏資金都會堅持做到最後一刻。趙汝強昨在電話中說：「完成呢個歷史使命，起碼做埋亞姐。明年4月1號我哋冇咗個大氣電波，之後會點，睇公司決定。」
蔡國威、彭遠揚今日會在深圳出席亞姐騷，威仔昨綵排後在電話中說：「唔知傳聞真定假，唔知搵乜嘢人求證。」若亞視真的關門大吉，他說：「係真就好大鑊，一下子咁多員工同事失業，又要追討欠薪，仲係年尾，好難過渡。」威仔昨更改口指未收到上月糧，但截稿前又獲公司通知已入票。
而下月升呢人父的彭遠揚早想好後路：「最多返去大陸搵工。」宮雪花未獲通知做今屆亞姐評審，她說：「如果到最後真係爛尾都冇辦法，政府又唔發牌。」準亞姐們前日還在深圳穿上三點式拋胸水戰。
採訪：非非、嵐山、陳傑、盧妹
亞視高層趙汝強前日在深圳為亞姐活動頒獎，昨又如常到大埔總台返工（左圖）。攝影：仇志德
from:
http://hk.apple.nextmedia ... 151212/19408904
