洪永城早前因為高調向黃翠如示愛，繼而觸發一篇網絡潮文，結果激嬲翠如，最後他公開道歉兼聲稱要擺和頭酒認錯。不過，洪永城似乎吸取不到這次教訓，他有份主演的無線新劇《實習天使》於週一首播，在播出前夕，洪永城在fb貼圖號召大家睇新劇，並向護士們致敬，誰不知惹出連串是非。
洪永城在fb留言：「護士，喺社會上嘅地位不高，但其實喺救助病人嘅工作入面不比下醫生、由照顧傷者身體日常生活嘅需要、到心靈上嘅安慰同關注，肯定咗護士嘅重要性。而有呢班白衣天使，先可以堅定醫護人員嘅工作，醫生護士一齊合作，才能為病患者提供最好的。」
洪永城指護士地位不高，遭醫護界及網民狂轟。
《實習天使》宣傳海報日前已遭網民笑過時，吳若希（左）手上拿著的是陳年舊儀器。
網民加入狂插
因為這段留言，再加上劇集內容欠缺邏輯，結果不單止遭醫護人員開post反擊，連網民都加入聲援行列，認為洪永城的留言欠缺尊重，有人說：「地位不高？會唔會係你本人唔尊重或睇少護士咋，唔係要出街有人識，日日見報嗰啲先有叫做有地位囉！」、「就係有呢啲人，覺得護士地位低，所以就可以鬧護士，甚至出言侮辱。」甚至曾經出書的急症室醫生Dr.Ray亦說：「呢啲咪公關災難囉，成篇睇曬係冇嘢嘅，不過睇咗第一句就已經點著咗同業們，唔會再睇落去。」
面對眾多不滿聲音，洪永城昨日下午在fb留言發出道歉聲明：「撰文嘅原意，係希望帶出護士嘅貢獻同功勞，其實同醫生同樣重要，護士喺社會應該獲得更高度嘅尊重，呢個就係我想表達嘅意思。如果有時間，希望各位除咗睇第一句之外，睇埋內文。不過可能我詞不達意，引致各位、特別係醫護界朋友不滿，我懇請大家可以接受我嘅道歉。透過今次拍攝更令我體會到護士工作嘅難處；我認真地尊重你哋嘅工作。」但仍有網民希望他經一事，長一智，小心慎言。
撰文：唐琛悠
from:
http://hk.apple.nextmedia ... 151203/19396868
