郭可盈、林文龍、周美鳳等昨晚現身灣仔福臨門的保良局慈善活動，同場名單原有「過氣夫婦」呂良偉與前妻鄺美雲，不過鄺美雲因病缺席。
對於熊黛林（Lynn）日前傳出婚訊，更指會與郭可盈胞弟郭可頌於聖誕在沖繩結婚，「未來姑奶」郭可盈更會全家去觀禮，記者笑她升任做姑奶，郭可盈笑言：「係做奶姑，唔係姑奶，佢哋唔係秘婚，係一家人去旅行，講咗幾年。」記者再追問其弟是否結婚，她即否認：「唔係，若然有大好日子，Lynn一定會同大家講。」
郭可盈對未來弟婦Lynn讚不絕口：「佢好乖，善解人意，生活又健康，係好好嘅女仔，分數當然係滿分，不過應該係細佬畀，好多家庭飯局佢都有嚟。」問到會否催二人快生BB，郭可盈笑言記者跳步驟：「最緊要雙方搵到啱嘅人，我梗睇好，我細佬係好男人，Lynn係好女仔，做好自己有人錫。」
熊黛林未有就婚訊表態，不過昨晚就在微博留言：「美麗的童話愛情故事，人人都羨慕。落幕了，從浪漫的假想世界中抽離了……」之後再「葉問太太」上身開口恨做偉大妻子、母親，相信Lynn婚期不太遠，不過她最後又澄清八卦新聞的事情不可能發生在她身上。
郭可盈證下月會舉家去旅行。
周美鳳表示不會再理別人的家事。
周美鳳早前發聲明否認與吳忠義是深交，更不幸捲入他與小三Summer的是非。資料圖片
周美鳳不願提Togi
此外，呂良偉本來有機會與鄺美雲同場，他透露兩人常有碰面，之前更一齊去蘇梅出席婚禮，更指太太楊小娟與鄺美雲非常傾得埋。
同場的周美鳳之前捲入司馬燕老公吳忠義（Togi）與小三孫君子（Summer）的是非風波，她表示冇再受到滋擾：「男方都出咗嚟澄清，清官難審家庭事，自己管唔到人哋屋企嘢，唔需要關心咁多。」問到她對於二人兩年前已組「訂情」公司，周亦不願評論，亦冇再同Togi聯絡：「希望傳媒唔好拖小朋友落水，我都好掛住佢哋。」
採訪：張俊銘
攝影：沈健程
from:
http://hk.apple.nextmedia ... 151127/19389305
