謝安琪昨日以一身公主打扮出席香港迪士尼樂園10週年慶祝活動，大會又請來楊婉儀一家四口、陳浩民一家五口、陳國邦一家三口、湯盈盈母女、前新聞主播趙海珠一家三口、任賢齊和黃家強等出席。
婚後少激情
記者問出任表演嘉賓的謝安琪老公和兒子有否一起來？她說：「只帶咗囝囝嚟。」問何時再追多一個女兒？她說：「冇實質計划去生，其實仔有仔好，小朋友嘅嘢都係順其自然啦。」
香港最近一個網上調查，指謝安琪是宅男最想咀嘴的女星，問她有何感受？她笑言：「嚇，邊度調查呀！真係好榮幸，不過我自己冇辦法咀到自己，所以唔知點解咁多宅男想咀我，不過可以問嚇我個仔，因為我都成日咀個仔。」有人說夫妻婚後咀嘴會少了？她頗尷尬說：「咁私人嘢，唔好講啦！但我覺得結婚之後，唔可以成日要激情同浪漫，不過我老公都係冧冧豬，佢成日搞笑，對住佢成日有得笑都幾抵㗎！」
陳浩民和老婆各自抱著細女和兒子，要大女自己行，文頌嫻（右）則獨自湊女。
陳國邦昨日連走兩場，傍晚與妻女去迪士尼玩。
陳浩民一直抱住細女，問他會否擔心大女和兒子呷醋？他說：「怕㗎，所以要小心啲。」問他連同老婆胎中的女兒，已經有一子三女，待老婆明年5月產後會否再追？他笑說：「嚇，每次都係突然來嘅，我哋都係順其自然，從來冇刻意要生或唔生。」
浩民賣口乖
陳浩民雖然工作忙，但只要有時間他會幫忙照顧小朋友，他說：「我同老婆時不時都會帶仔女嚟迪士尼玩，所以今次佢哋請我哋嚟，當然帶埋仔女一齊嚟玩啦。」
採訪：羅慧敏
攝影：陳慧安
趙海珠一家三口到場，兒子怕醜避鏡頭。
二十四孝媽咪湯盈盈帶大女去玩，女兒一臉興奮。
from:
http://hk.apple.nextmedia ... 151117/19375561
