曾經係日本水著界紅人嘅星野亞希，幾年前嫁畀年輕13載嘅騎師三浦皇成以為上岸，點知佢生完囡囡之後就一直行衰運，先係老公被爆偷食，三年前星野亞希仲捲入網上詐騙事件，被爆收錢為購物網站寫blog宣傳，搞到一身蟻，結果星野亞希因形象插水，被當地各大電視台點名封殺。
38歲嘅星野亞希已全面撤出幕前，疊埋心水封胸湊女，不時都有圈中人上載佢嘅近照，而最近星野亞希仲疑似鋪路復出，幫名人好友內田新菜嘅潮服品牌nina mew充當Model，內田新菜日前就公開合照，星野亞希著住nina mew嘅新貨幫手宣傳，認真唔話得，唔少網民都話星野亞希已38歲都一臉童顏，仲大讚Kawaii呢！星野亞希早幾個月都開始多番蒲頭，更被發現戴住黑超、推住BB車帶女現身澀谷街頭。
from:
http://hk.apple.nextmedia ... 151006/19322502
