鄭欣宜谷渡海泳拉人落水肥人魚撼飄逸謝安琪

自從表明不再減肥，堅持要做自己的鄭欣宜，雖然曾因體重上升而失去泳衣廣告，但她一於懶理，決心打破肥人禁忌，反而贏得不少讚賞。最近欣宜與謝安琪（Kay）和網絡紅人達哥林慧韡等，齊齊落水為下月18日在維港舉行的「維港渡海泳」拍照，為健兒打氣。

經常在社交網曬三點式的欣宜，今次以性感美人魚造型上陣，笑稱感覺很好玩並說：「我都好期待出嚟嘅效果，今次係我第一次以美人魚造型游水，嗰日浸咗兩個鐘，啲皮膚都皺曬。雖然眼神對影相好重要，但喺水底入面，其實就算撐開對眼，有燈照住你都唔係好望到鏡頭喺邊，不過原來冇兩隻腳嘅輔助，移動時係好困難。」她更笑言：「我最想去一個冇人嘅地方游水，我好有信心參加渡海泳㗎，但係要練習5年先。」

首度打扮成美人魚的欣宜，大方展示逼爆上圍與重量級身形，令人佩服她的勇氣。

Kay首次在水中拍攝，造型優雅。

達哥在水底打機看來狀甚輕鬆，但原來他天生怕水兼不懂游泳。

水中拍攝有一定難度，Kay惟有在下水前練習嘟嘴。

達哥水中照打機

同樣首次在水中拍攝的Kay，以人體彩繪造型拍攝，她笑說：「就算喺水裡面擘大眼，原來乜嘢都睇唔到，只可以憑感覺行事，加上脂肪多肌肉少，好難『沉住氣』停喺水底拍攝。」網絡紅人達哥要在水中打機，平時過關斬將的達哥直言有難度：「最難係在於我唔識得游水，但又要保持鎮定。」

撰文：張曦彤
from:http://hk.apple.nextmedia ... 150908/19286246

欣宜決定不減磅後自信回歸，穿上吊帶束衣扮美人魚，但一個華麗轉身赫然發現疑似露點。

將於下月18日舉行的「維港泳2015」，大會邀請了二十多位來自不同界別人士齊齊落水支持，拍攝「拉埋大家落水」的宣傳片，前日鄭欣宜的性感美人魚look首度曝光，赫然發現她疑似露點！

欣宜在水中受訪期間，因為想騷自己的人魚尾部，一個華麗轉身，連42F巨胸都敵不過水中浮力，令胸杯位離晒罩，數秒間見到水影中的欣宜疑似露出右邊一點。當時欣宜仍懵然不知，還好開心地說：「其實我就好鍾意游水，但我就未試過戴住呢條嘢（魚尾），好難㗎，冇得郁兩隻腳，但我覺得好好玩，好期待出嚟效果係點。」對於露點，欣宜昨在電話中說：「唔可能露點，嗰日做足安全措施。」其實欣宜好鍾意晒身材，昨日她在Instagram，貼上穿上黃色運動top，風騷唱歌兼大晒4寸事業線。

欣宜的性感美人魚look十分搶鏡。資料圖片

另一重量級嘉賓魯芬BB出場，扮烏蘇拉維肖維妙。

魯芬：條裙好重

除了欣宜這位重量級嘉賓外，原來魯芬BB亦有份參與，她穿上低胸裙扮《小美人魚》的烏蘇拉，笑言：「條裙好重，拍嘅時候有啲阻礙，但最後都順利完成，好好玩。」還有穿「I am Hong Konger」泳褲上陣的王宗堯、一地蕉的曾鈺成、葉準師傅及梁紀昌校長等均有參與拍攝。男神宗堯表示自己最想與立法會主席曾鈺城碰面，他說：「我覺得佢喺立法會都做得幾好，加上之前拍《選戰》時智叔（廖啟智）又好似佢，若果當日event有機會碰個面傾兩句偈，睇吓嚟緊選舉年嘅時候有冇新動向，都希望洞悉吓香港未來嘅政局新發展。」

採訪：嵐山

詠春大師葉準（右）與香港拳擊手曹星如齊拍「維港泳」宣傳片。

男神王宗堯穿上「I am Hong Konger」泳褲上陣。
from:http://hk.apple.nextmedia ... 150909/19287599

劉素芳昨日在銅鑼灣接受一個清談節目訪問，她帶了不少舊照話當年，有利智、李嘉欣、葉家寶等。劉素芳近年主力在內地做主持，發展廚藝界，最愛品嚐美食，她說：「所以我好欣賞欣宜豁出去，做人咁辛苦，唔食好啲對唔住自己。」她亦透露大台近期有向她招手，不過要時間合適先接，她說：「叫三次推兩次，都驚被列入黑名單。」
from:http://hk.apple.nextmedia ... 150919/19301213