佳麗當透明網民嘲變臉麥明詩膺港姐犯眾憎

新一屆香港小姐競選前晚出爐，大會安排全民投票選三甲，23歲的十優狀元、兼劍橋法律系畢業的麥明詩大熱跑出，並兼得最上鏡小姐，成雙料冠軍，亞軍是麥明詩死敵龐卓欣，季軍則是郭嘉文。前晚的節目跟以往一樣毫無驚喜，乏善足陳，但宣佈賽果時的幾分鐘竟才是「戲肉」所在。

以往港姐競選當三甲塵埃落定，落選佳麗總會走上鏡前向當選佳麗送抱抱，以示大方。可是前晚鏡頭拍到戴上后冠的麥明詩繞場一週後，其他落選佳麗全部擁著亞軍龐卓欣及季軍郭嘉文，完全當麥明詩透明，唔妥到出面的這一幕實屬罕見。醒目的鄭裕玲（嘟嘟）馬上執生，上前祝賀麥明詩，為她解困順便緩和氣氛。

港姐冠軍麥明詩昨日與亞軍龐卓欣、季軍郭嘉文及友誼小姐林凱恩會見傳媒。

一臉尷尬的麥明詩下意識望向季軍郭嘉文，兩女眼神接觸了一殺那，郭嘉文即時擰歪面，只與其他佳麗問好。進擊的麥明詩轉而向亞軍龐卓欣埋手，結果一樣被請吃檸檬，幸好無線攝影師sharp cut（關機）才令這難堪場面畫上句號。麥明詩雖大熱勝出，可是卻不受網友歡迎，尤其高登仔，大部份網民留言都針對她曾變臉。

港姐昨晚平均收視27點，約175萬觀眾收看，而宣佈結果和頒獎時段則獲最高收視31點，換句話說約有200萬觀眾看到麥明詩被杯葛一刻。

撰文：劉敏
from:http://hk.apple.nextmedia ... 150901/19277140

以大熱姿態贏得今屆港姐冠軍兼奪得「最上鏡小姐」獎嘅麥明詩（Louisa），喺當選一刻感動到喊，佢要多謝一直無條件支持佢嘅爸爸媽媽。喺澳洲出世，中、小學都係讀女拔萃，係09年會考十優狀元，仲係英國劍橋大學法律系畢業嘅Louisa，依家仲未決定向邊個方向發展。

昨日有周刊報道話，雖然Louisa由細到大無論係去英國讀法律定係參加港姐，都得到做副校長嘅爹哋，同埋做職業治療師嘅媽咪支持，但係佢性格都好獨立，佢話參選嗰時嘅衫，好多都係佢自己上網買嘅，而啲買衫錢係佢之前幫人補習儲埋嘅。

報道又話，Louisa去咗劍橋讀法律之後，每年暑假都會返嚟香港，佢就趁嗰段時間幫人補習，搵啲外快，喺網上登廣告招生，除咗專幫小學同初中生補全科之外，仲有同高中生補理科，每粒鐘收$350。咁平？

但係網上就有一個同麥明詩中英文名、學歷都一樣嘅補習招生廣告，係去年10月7號post上去嘅，詳報自己學歷同成績幾勁，包括：「2009年會考10A狀元，2011年完成英國高考取得5A*，2014畢業於英國劍橋大學法律系。出國前就讀拔萃女書院，自修IGCSE同樣獲得10A*的成績，英國高考GCE AS全部滿分，SAT I2280分，SAT subject tests全部滿分。」嘩，好犀利！

但補習費就貴好多，唔係$350，而係每粒鐘$900，兩粒鐘平$100，收$1,700，但都真係好貴吓。補習範圍由小學全科、初中全科、高中全科(商科)、數理科目、化學、生物、英國文學、地理、經濟、英語會話，以至法律、Oxbridge interview都有。

不過家長一睇，劍橋生喎，成績仲咁好，抵晒啦！
from:http://hk.apple.nextmedia ... 150902/19279287