商業電台五十六週年台慶晚宴前晚在尖沙嘴美麗華酒店舉行，商台高層何驥、俞琤、首席智囊陳志雲和總經理陳靜嫻，還有節目主持阮兆祥、葛民輝、林海峰、梅小惠和陸永等出席。眾DJ阮小儀、細So以《玩轉腦朋友》（Inside Out）造型示人，小儀「阿愁」上身，整張臉搽上藍色，還戴了一個藍色假髮，無論身高和扮相都十分相似，紅色面的Donald扮演「阿燥」，綠魔女朱薰在晚宴上擔任司儀，她扮的「阿憎」造型維肖維妙。
屋企兜售新碟
陳志雲穿上一身紅色賀商台，他透露公司未來多元化發展，10月為少爺佔舉行《他爸的少爺佔》，以及明年5月跟阮兆祥再合作搞棟篤笑，張敬軒、阮兆祥和林嘉欣則會演出廣播劇。陳志雲被問到好友鄧健泓時，笑說：「呢排成日宣傳成日見，仲嚟過我屋企食飯，同埋石詠莉一齊，離曬譜係喺我屋企sell我啲朋友，買佢女朋友隻新碟，咁我啲朋友同佢落咗好多order。」
李施嬅與鄧健泓相戀時，志雲爆女方常致電給他。資料圖片
鄧健泓公開與石詠莉戀情後，人前人後經常曬恩愛。資料圖片
笑石詠莉黐身
有說鄧健泓打算結婚，陳志雲說：「結婚冇話過，不過啱就應該結，佢𠵱家咁上下年紀，又話要生BB。」志雲會否做求婚智囊？他哈哈笑說：「追女仔啲嘢佢好過我一百倍喇！佢鍾意一個人嘅時候就好愛，失戀嘅時候又好傷心，陪佢經歷好多失戀拍拖嘅時候，之前有啲未穩定又未見得，但係見咗面又散，我係鄧健泓女朋友嘅申訴專員。」他表示鄧的現任女友沒投訴，提到前度，他說：「佢（指石詠莉）𠵱家黐到咁實，跟出跟入，點會呀！原子鏸見過，不過我同佢唔係好熟，李詩韻（現名李施嬅）聯絡得最多，唔係投訴，係求助，龔嘉欣少見，石詠莉就食過飯。」
另外，少爺佔表示《他爸的少爺佔》加場，請了林一峰做嘉賓，林一峰現居美國，問到對方是否有女朋友，少爺佔笑說：「林一峰係有女朋友，佢話喺新加坡讀Art，成日見啲相都係得一個人，唔知係真定假。」
採訪：盧妹
攝影：陳順禎
商台前晚舉行台慶晚宴，多位DJ以《玩轉腦朋友》造型亮相。
朱薰等眾DJ之後瘋狂在Ig貼相。
from:
http://hk.apple.nextmedia ... 150828/19272290
