吳浩康（Deep）年初被撞破月內連𠝹五女，最終賠上他與鍾舒漫的兩年情，分手收場；而曾為鍾舒漫戒酒的他，隨著二人分手，承諾亦煙消雲散。本報讀者陳小姐昨日透過「爆相爆片」，向本報提供了幾張前晚Deep在機艙內的照片，陳小姐又指Deep在機上狂飲啤酒及煩擾空姐。
陳小姐報料指前晚乘搭國泰CX708航班，由曼谷飛返香港，起飛時間大約是當地黃昏6時，陳小姐表示：「上機時見吳浩康同三個男友人一齊，之後有兩個女仔搵佢影相，又同佢哋一齊飲酒，但嗰兩個女仔唔係同佢哋一齊坐，所以唔知係咪佢啲朋友。」陳小姐又稱：「佢之後不停飲啤酒，後來就好似飲醉咗，攞住個三腳插頭問空姐點叉電，同佢一齊嘅朋友就好似仲醉過佢。」陳小姐續謂：「佢跌帽仲畀我見到佢有『鬼剃頭』。」至於Deep全程飲了多少啤酒？陳小姐表示不清楚，只見他與友人全程去機尾位置飲，最後更見Deep在降落前要求空姐給他原子筆。
Deep坦承可能騷擾到其他乘客，並說「唔好意思」。
吳浩康被讀者指飲酒飲到臉紅，他解釋是曬紅。
Deep因一個月連
「嘈到人唔好意思」
本報昨日致電Deep求證，對於被指在機艙內飲到臉紅，他笑著認有飲酒：「我係曬到塊臉紅曬啫！係有飲酒，但同朋友去旅行飲少少都好正常。」被指全程煩空姐，他則表示：「噚晚（即前晚）班機好滿，唔係只係我哋煩空姐，個個都有煩佢。不過有人搵我影相，大家可能嘈咗，如果嘈到人都唔好意思。」問是否在降落前向空姐攞筆？Deep解釋說：「空姐想我寫評語，我真係冇筆，所以問佢攞。」
從照片中發現Deep有俗稱「鬼剃頭」的現象，他說：「兩個幾月前開始係咁，問過醫生話都係壓力影響。」Deep又嘆謂：「坦白講，由年頭到𠵱家各樣嘢都有影響，好似今次搭飛機攞支筆都會咁，朋友都叫我小心啲，笑我𠵱家唞啖氣都係錯。」問他是否想努力工作等鍾舒漫回心轉意？他則表示：「咁一定會努力工作，但感情事就想留啲空間唔講咁多喇！始終大家都分開咗。」另外，曼谷前晚發生大爆炸，Deep正在飛機上，他說：「一落機即刻收到好多短訊，知道發生事都好震驚，行程中都有經過嗰度，希望傷者盡快康服。」
採訪：小米
from:
http://hk.apple.nextmedia.com/entertainment/art/20150819/19260933
