「不死子珊」終於心死？繼胡杏兒後，加入無線11年的徐子珊亦決定月內約滿後離巢。有傳子珊有感無線冷待而心灰意冷離開，昨日她出席銅鑼灣活動，承認正在等約滿：「等份約完咗先，等佢自動完。」不過，子珊強調未來方向還未決定，並謂：「覺得自己係時候做新嘢。」據悉，杜琪峰旗下的銀河海潤正向子珊招手，做阿杜愛將還是繼續拍膠劇，不難選擇吧！
無線小生花旦買少見少，繼林峰、吳卓羲和胡杏兒後，徐子珊亦盛傳今年尾約滿後不再續約。消息指加入無線11年的徐子珊近期因為無線多番跟她傾續約，她卻遲遲未有動筆，以致被無線投閒置散，事後子珊受訪時雖否認被無線冷待，但就承認決定在約滿後要「停一停」、「唞一唞」，畢竟多年來劇接劇已感厭倦，有意將自己的珠寶設計發展成事業。
【不死子珊】
在《神鎗狙擊》中炸極不死，離譜劇情令子珊被封「不死子珊」。
劇照
【無緣視後】
年年戥人家攞視後高興的子珊，聲稱自己不恨攞視後寶座。
【慘遭冷待】
有傳子珊（右）失寵被高海寧取而代之成力捧對象。
劇照
子珊（中）昨為拉麵比賽擔任評判，獲贈食一世拉麵。
「係時候做新嘢」
昨日徐子珊到銅鑼灣出席拉麵活動，對於盛傳她今年10月與無線約滿後不再續約，子珊說：「唔係嗰本雜誌講嘅時間，不過嚟緊個約係就快完，所有嘢未決定。」問何時約滿？子珊未肯透露，只表示：「就快完。」子珊指無線一直有跟她傾續約，但未來方向還未決定：「自己忙緊學珠寶設計，所有嘢未決定住，想自己停一停先。」子珊透露有其他公司及內地公司接洽：「暫時每日專注返學，每日淨係諗到要交功課，都有內地經理人搵我傾，但真係未諗到、未決定點做。」那麼是否等合約完結後再作打算？子珊直認不諱說：「冇錯，等份約完咗先，等佢自動完。」
近年子珊在無線拍過不少膠劇，其中更因在《神鎗狙擊》炸極不死而被網民封為「不死子珊」。莫非今次離巢，是因屢拍膠劇？對此子珊否認道：「冇咁嘅事，我都拍過好多好好嘅劇，因為咁多年拍劇先有人認識，畀咗好多好好工作機會我，畀我做咗好多好角色。」記者問是否與多年未能取得視後有關？子珊繼續否認說：「唔關事，我都有好多電影拍緊，不嬲都唔係睇獎唔獎。自己係時候成長，覺得自己係時候做新嘢。」
子珊近日四出為有份參演的新戲《有客到》宣傳。劇照
有望成阿杜愛將
早前曾傳高海寧取代徐子珊成為無線老闆陳國強愛將，子珊過去一年在無線主演劇集少之又少，在年初拍完《以和為貴》一劇後，已沒有任何新劇安排，明顯被投閒置散，對此子珊力撐說：「同公司有共識，自己都想減產，拍劇咁辛苦都需要休息，所以一套劇一套電影，唔想拍到成日黑眼圈。」子珊亦否認傚法其他小生花旦離開，記者指她不跟無線續約，今年肯定無望問鼎視後，子珊笑說：「唔驚！我驚咩呀？唔使諗啦，不嬲都冇諗呢啲嘢！」並揚言未來去向如何，會第一時間通知大家。
據本報瞭解，現時除林建岳的寰亞娛樂外，杜琪峰旗下的銀河海潤亦向子珊招手，子珊分分鐘有望成為阿杜愛將。
採訪：盧妹、鍾國仁
from:
http://hk.apple.nextmedia ... 150802/19240033
