為咗戴夢夢，太極鼓手Ricky甘願拋棄結婚廿七年嘅老婆Anne同囝囝。小三得勝，但同時受盡千夫所指，夢夢媽叫個女唔好再糊塗，太極班兄弟亦唔俾面，叫戴夢夢做「夢夢姐」，擺明唔妥新「阿嫂」。
前Ricky嫂Anne，上載佢同前夫舊合照未幾，便轉發女作家王迪詩對所謂「筍盤男」嘅睇法，似意有所指。
一直有報導指，Ricky可以住豪宅，揸波子，全靠佢位響銀行做高層嘅老婆「科水」，習慣俾人照顧，上個禮拜四（七月十六日），《壹》仔撞到佢兩個手拖手響銅鑼灣行完街，之後去咗附近停車場攞車走人。
Ricky當日做柴可夫，揸咗架七人車到地下之後，戴夢夢自動波行去收費亭俾錢，後來見到《壹》仔，即閃上車，但奇就奇在選擇坐後座乘客位，當Ricky係司機。幾十蚊泊車錢都要女方俾，唔怪之得Ricky前妻Anne響社交網站轉載作家王迪詩嘅金句：「有些男人看來是『筍盤』，但原來執到都喊三聲。」咦！落地有骨喎！
出街拍拖，戴夢夢俾停車場錢，Ricky揸嘅七人車，由佢同前妻共同擁有。
知道有人影相，戴夢夢俾完錢即刻返上車，更專登坐後座乘客位（箭嘴）避鏡頭。
上個月中，潛水多時嘅戴夢夢，帶埋男友Ricky出席老友范振鋒嘅生日會，戴夢夢更被指為偷食及拜金新聞，心情低落而消瘦。
