周嘉儀書展激罕背心追擊惹火羅霖

一年一度書展將於後日殺到埋身，半百的「美魔女」羅霖除力抗台灣的雞排妹及黃榕等一班肉女外，原來32歲無線前新聞主播周嘉儀也挾33C上圍加入戰團，在陳偉成等四肌男的健身書中以誘人小背心熱褲登場，令寫真大戰火速升溫。決戰前夕，羅霖昨日舉行發佈會，除50個不同誘人造型大曬冷及出動家人撐場大打溫情牌外，羅霖一襲中門大開噴血紅裙，戰鬥數值去到百九幾萬！

羅霖以半百之齡、34C上圍今年首次推出寫真《Timeless》殺入書展，本來憑corset、泳衣等噴血造型先聲奪人，豈料後日書展開鑼前夕突然殺出勁敵，被視為宅男女神的無線前新聞主播周嘉儀，以33C上圍加入戰團，在周秀娜舊愛陳偉成等四位肌男推出的健身書《G.Y.M.動起來》中客串做運動示範，罕有地以誘人小背心現身，以健康運動look跟性感羅霖抗衡。

【玩波波】
肌膚白滑的周嘉儀跟內地男模姚淇瀚玩健身球運動。

【俾仔撩】
陳偉成（左）及黃俊豪等推出的健身書中，請來周嘉儀分享運動心得。

中門露胸墊

面對各方勁敵的羅霖，昨日於尖東帝苑酒店舉行寫真記者會，寫真集50個造型一次過大曬冷，羅霖三名兒子和媽咪也前來撐場，好友李思捷、張致恆女友莊端兒等也有出席。羅霖一襲中門大開紅裙惹火非常，但拍照時卻不慎露出胸墊。大會公佈羅霖三千本寫真第一版全部沽清，羅霖並加盟理想天映公司任娛樂總監，未來製作演唱會及開拍微電影等。

寫真集中羅霖毫不吝嗇地展示惹火34C身材，噴血度十足。

【賣溫情】
羅霖昨日舉行寫真集發佈會，三子與媽咪（左）齊齊撐場，令她大為感動。

【開中門】
穿大開中門紅裙現身的羅霖，戰鬥力十足。

　

造型中，羅霖還戴上頭飾扮玉兔。

羅霖指兒子不喜歡她的性感照，但就大讚她身材好。


莊端兒以大低胸裝撐羅霖，但揚言未有資格傚法羅霖出寫真。

羅霖受訪時說：「最開心一家人嚟支持，好感動。」三名兒子昨日才正式見到寫真真身，問到兒子有甚麼意見時，羅霖說：「佢哋唔係好鍾意我性感嗰啲，不過問佢哋我身材OK唔OK，啲仔答好OK。」可擔心𡃁模繼續單打？她說：「唔擔心，我經歷咁多，乜嘢言語我都唔驚，俾人詛咒嘅說話我都聽過，不過單親媽咪條路唔易行，所以藉此支持單親媽媽。」說話至此她開始哽咽，但還是強忍淚水展露笑顏。

採訪：唐如、卓寶花
攝影：陳俊強、陳慧安
from:http://hk.apple.nextmedia ... 150713/19217240

昨日傳出前新聞主播周嘉儀都會殺入今年書展？原來佢第一次畀咗四個大隻仔，喺幫娜姐舊愛陳偉成（Avis）同另外三個男模出嗰本《G.Y.M.動起來》客串做運動，佢同《蘋果》講：「完全唔係出寫真，嗰本係教人做運動嘅書，形象健康，同埋呢本唔係我出嘅書，我純粹係友情客串，相信我嘅篇幅好細。」

提到報道以33C上圍殺入書展，嘉儀BB笑笑口話：「本書入面都係普通運動服，冇乜特別，唔係sell性感，我style從來唔係咁，都係用一個健康角度教大家做運動，推廣健康生活。」

嘉儀BB客串都成為focus，佢話其實今年年頭冇做主播已有書商搵佢出書：「我朋友高芳婷都會出書講主播生涯，我都會去書展支持吓佢。年頭都有出版商approach我出書，我自己想一字一句寫，唔想假手於人，我concern係時間用得多，出散文同相集都想，寫真sexy就一定唔得，唔會考慮。」嘉儀BB仲話唔係因為怕醜：「我唔考慮呢方面，係唔同形象，我從來冇呢類賣同行性感，冇咁嘅quali。」

年年書展唔少藝人0靚模都出寫真，嘉儀BB覺得：「書展係要唔同類型嘅，好正常。」嘉儀BB都有留意今年最為焦點嘅羅霖，仲大讚對方：「我見到佢啲新聞好多，日日都有，都好欣賞，佢好靚，好犀利，keep得好好。」
from:http://hk.apple.nextmedia ... 150713/19218040

周嘉儀不評論陳珍妮出書爆料，又自言瞓得好冇失眠。資料圖片
前無綫主播陳珍妮今年書展推出《TVB新聞部血淚史》，盡呻心中情。前新聞之花周嘉儀卻與她唱反調，曾效力無綫逾10年的周嘉儀日前在電話中說：「佢（陳珍妮）講嘅故事內容，我唔想評論。對我嚟講，個腦記住好多開心畫面。」

財經主播林小珍在fb宣佈懷孕。

Jenny自爆工作期間要啪安眠藥，周嘉儀卻說：「我就瞓得好好，冇乜失眠。」Jenny驚爆不離職會生癌，周嘉儀反應大：「吓？no comment！」對於書中有揞名爆料，周嘉儀問心無愧：「唔擔心，我又冇嘢唔畀人知得、唔畀人講得。」

此外，曾經在facebook留言怒插周嘉儀的無綫新聞財經主播林小珍，近日在fb留言證實有喜並透露預產期是今年11月，有網民留言恭喜之餘，亦稱怪不得近日見她上鏡肚凸凸。

採訪：陳杰
from:http://hk.apple.nextmedia ... 150715/19219440