周秀娜趕住見T.O.P

周秀娜前晚透黑Bra現身W酒店捧BIGBANG場，現場還有JW、王曼喜、BabyJohn、鍾舒漫及鍾舒祺兩姊妹等。娜姐到場時已極心急，受訪時說：「啱啱睇完騷過嚟，好開心所以嚟玩嚇，佢哋成隊我都鍾意，個騷好好睇，興奮尖叫到喉嚨都沙埋。」她又表示最鍾意T.O.P，上次BIGBANG香港演唱會亦有入場欣賞。

問到其內衣品牌即將開設實體店時，娜姐說：「嚟緊會launch，𠵱家仲係裝修階段。」說罷她催促記者：「快啲啦！」然後急急腳入場，似足fans心急見偶像，十分搞笑。

採訪：藍文浩
攝影：葉君海
from:http://hk.apple.nextmedia ... 150616/19185332

《蘋果》見證周秀娜由𡃁模變女神，娜姐未來希望成為不失性感的美麗女人。

攝影：周樂恒
造型：林嘉慈
髮型：Kel Fung of HH hair.nail
化妝：circle Cheung of ND&Co.Co
服裝：Versus Versace
本來寂寂無聞的周秀娜，6年前的處女寫真集，博到盡疑似露暈做賣點，迷倒一眾宅男，同時掀起娛樂圈𡃁模潮。娜姐的彈出，完全夾啱天時地利人和，過去幾年努力，她已搣甩𡃁模之名，她說：「我唔介意話畀人知我係𡃁模出身，每個人有唔同階段，係見證成長。」娜姐寫真中舔雪糕漏奶畫面仍記憶猶新，她說：「至少𠵱家食雪糕都會諗起我。」𡃁模升呢演員，如小童變成人，娜姐回顧這成長階段：「我唔後悔自己嘅選擇，當下選擇永遠最好，嚟到呢刻，我會好好諗吓𠵱家同以後。」娜姐期待未來演員路可繼續精采。

問到娜姐出道至今的代表作，她說：「就係呢一刻我有機會畀《蘋果》揀中做20周年特輯訪問人物，大家好錫我。」娜姐對《蘋果》有甚麼感覺？她說：「多謝由我出道至今，一路咁支持，我好鍾意睇《蘋果》，佢好跟得上潮流，有自己立場，好鮮明，我鍾意睇《動新聞》，佢永遠求鮮，《蘋果》行得好前，跟住時代進步。」

【2009】

周秀娜引爆𡃁模熱，當年舔雪糕一幕引死不少宅男。

不封胸做美魔女

上月底踏入30歲的娜姐揚言決不封胸：「每個人有屬於佢嘅獨特形象，我好想keep住，將來做咗美魔女，前面都希望有『性感』兩個字，女人唔同年齡有唔同韻味。」初登大銀幕娜姐抗拒當花瓶，但現在卻開竅盡力演每個角色，她說：「最緊要清楚知道導演喺部戲裏邊，想要你做乜，我最初好想畀觀眾知，除咗性感之外，我仲有第二方面，𠵱家我明白，角色有冇盡力大家一睇就知。」

娜姐近年既入股經理人公司，又賣自家品牌胸圍，她說力不到不為財，但仍相信專長要做好演員本份，她渴望拍一部以女性為題材的電影，不介意內容涉及敏感的斷背情：「對手要強勢過我，我鍾意周迅，佢剛柔並重。」娜姐已達適婚之齡，對感情卻隨緣：「冇得急，我覺得兩個人一齊，唔係鍾意就得，要相處，一切順其自然。」

撰文：比華利
from:http://hk.apple.nextmedia ... 150620/19191310

周秀娜計劃成立慈善基金，幫助貧童。

周秀娜昨日在荃灣出席「尼泊爾賑災籌款」活動，更私人捐出10萬元，出錢兼出力。司儀大讚娜姐真人比上鏡更靚，娜姐即笑說：「我唔止真人靚，上鏡亦都靚。」她表示之前有留意尼泊爾地震災情，想過成立自己的慈善基金會幫助兒童，她說：「希望出少少綿力幫更多人，我想設計自己logo或公仔幫小朋友，成日都見到偏遠地方小朋友冇飯食。」

對於舊愛陳偉成又有新歡，娜姐指回應此類新聞好悶，沒留意不欲多談，但會祝福所有拍拖情侶幸福。

採訪、攝影：馬建華
from:http://hk.apple.nextmedia ... 150622/19193264