10款上堂睡覺常見姿勢，你最常用邊招？

大熱天時喺室內涼住冷氣聽老師講書，真係好易瞓著架。最近有位日本網友畫咗圖中呢幅上堂瞓覺圖放上網，即刻吸引好多人討論。幅畫入面有10種上堂常見嘅瞓覺方法，有蹻埋手懶認真咁垂頭瞓，有乜都唔理放棄自己伏喺枱面瞓，仲有最絕嘅一招─第10式嘅保健室型，即係詐病去休息室大被冚過頭攤直瞓，絕對係最高境界。我最鍾意係楝高本書再伏喺後面瞓，仲有網友留言話佢通常係漸進式，由1、4、7咁順序瞓。你呢？最常用邊招？