阿潘嘅歌詞用字好簡單，但好有畫面又易上口，我對歌詞理解能力唔高，唔係睇一次就明，但佢啲歌詞好易明。自己最鍾意佢寫《十個救火的少年》，填到好似童謠，當時10幾歲聽好容易明白古仔，旋律又開心，細個睇歌詞會問：「咦！邊個係潘源良呢？歌詞咁過癮。」
當年參加完新秀攞冠軍後，要去日本做音樂比賽，唱片公司特登搵阿潘填《遊離份子》參賽，原來因為自己參加新秀唱《望月》，呢首歌係阿潘寫詞，所以公司搵佢幫我寫《遊》，好記得自己第一次錄音，阿潘都有嚟睇住，佢擔心有乜要改或唔夠好唱口，方便大家可以即時改。
後來我發覺唔係每個填詞人都係咁做法，原來得阿潘係咁，堅持上錄音室擔心有乜要改，呢個幾難忘，我未見過其他填詞人上錄音室，所以受佢呢個做法影響，2010年錄《Taste the Atmosphere》碟，錄音時叫晒填詞人上嚟。
《抱擁這分鐘》陳奕迅
「仍是不敢祈求，熱戀多一分鐘」
解讀：用時間概念寫成的歌，重複出現象徵「過去」、「現在」和「未來」的詞彙，表現出唱者在愛情的感性與理性中掙扎，終得出答案——抱擁這分鐘，呼應主題。
from:
http://hk.apple.nextmedia ... 150515/19147737
