周秀娜與王宗堯昨晚在銅鑼灣出席活動時，她指農曆年跟一位女性友人去了東南亞一個小島度假，昨日是她放完假接的第一個工作，她表示：「啱啱度假完，享受過陽光與海灘好寫意。」問她有冇艷遇？她笑說：「有呀！而且好驚㖭！因為房裡面出現咗隻黑蜘蛛。」
不少遊客喜歡在小島裸泳，問周秀娜有否試過？她說：「冇呀，不過酒店房沖涼地方係露天嘅，但外邊啲人睇唔到嘅，等第二時有男友，先試嚇出埠裸泳啦！」
Jeana昨晚與何浩文在銅鑼灣一齊出席活動。
王宗堯最近接了港台一個消防員為題材的劇集，今天開始拍攝，拍檔是蒙嘉慧，雖然未來要忙開工拍劇，但他表示：「我一樣好關心時事，知道無線請咗民建聯嘅陸漢德入新聞部，咁𠵱家我都好少睇無線新聞啦！」
採訪：黃曉妍
攝影：沈健程
from:
http://hk.apple.nextmedia ... 150303/19060936
