港視一直力求創新，以青春歌舞為主題的《童話戀曲201314》就希望開拓新戲路，可惜幾位主角被彈演技幼嫩，連累收視急挫。關楚耀和蔡穎恩日前接受專訪，蔡穎恩坦言拍劇經驗不多，仍有進步空間；而關楚耀就覺得演CEO確實有難度，事前要看台版《流星花園》來揣摩角色。
撰文：黃曉妍
港視開台以來，劇集備受注目，《選戰》、《警界線》、《來生不做香港人》被讚有水準，但今日播出大結局、以青春歌舞為主題的《童話戀曲201314》，除了幾位主角被觀眾批評演技幼嫩外，有些場景又指不是實景拍攝，蔡穎恩解釋拍攝時，正值流感高峰期，醫院不肯外借，才搭景拍攝，她又指由於拍劇經驗不多，所以直認演技幼嫩，她說：「雖然入行已有一段時間，但真正拍劇只係第一次，自問經驗唔多，人哋覺得幼嫩，即係我哋仲有好大嘅進步空間，我好多謝總導演好放膽畀一班新人擔正，正如台劇起用新人嘅機會率都幾高，產量又多，所以有好多機會畀唔同演員，咁就唔會出現斷層，坦白講，香港演員已經出現斷層。」
蔡穎恩直認經驗淺，演技上還有好大進步空間。
蔡穎恩與關楚耀在《童》劇有場接吻戲，蔡穎恩指這不是螢幕初吻。
除醫院外全部實景
關楚耀指演繹CEO一角有難度，他說：「Chok得好攰，就好似台灣、韓國偶像劇嘅富家仔追窮家女，其實我係咁忍笑，所以都難演，事前睇台灣《流星花園》學嘢，睇曬四個人點chok。」
港視劇講求實景拍攝，但這點卻被網民質疑，蔡穎恩解釋：「除咗醫院景，其他全部都係實景。」提到在沖繩的結婚戲，蔡穎恩有否幻想將來的婚禮在當地舉行？她笑謂不會：「以前細個幻想所有嘢都好靚、好夢幻，好似周杰倫同昆凌結婚咁，但係入行之後，慢慢覺得呢啲嘢越簡單越好，甚至cocktail party已經可以好開心，唉！有人求婚先算喇！」
拍攝時正值流感高
花兩個月排跳舞戲
戲中兩人有場蜻蜓點水的接吻，蔡穎恩指這不是螢幕初吻，關楚耀忍不住說：「佢點會留畀我吖！」對於劇中有大量跳舞戲，他們事前要花兩個月排舞，蔡穎恩說：「我同佢有場戲要跳Tango，Tango唔容易跳，又講求默契，所以我哋都學咗兩、三日，不過睇番都覺得OK吖。」關楚耀說：「大家本身都唔識跳，效果係我哋意想不到嘅OK。」
今次這套劇能跟劉玉翠、蘇永康、石修、呂有慧等前輩合作，蔡穎恩大讚他們超好人：「大家都叫蘇永康做阿公，感覺距離好遙遠咁，但其實佢好nice，之前都擔心NG嗰時阿公會唔會唔耐煩，覺得我係細路女，但其實有啲位係大家夾出嚟嘅，例如有場係我同佢喺coffee shop裡面一齊跳舞，佢帶住我叫我唔好咁緊張，所以拍出嚟嘅感覺好自然，好似識咗好耐好親密嘅感覺；至於翠姐又係好nice，冇架子，又好樂意講解拍劇嘅流程係點，因為拍電視劇會係兩部機一齊take，我要重新pick up，係一個好好訓練。」關楚耀直言雖然他們是前輩，但大家都是玩得之人，所以合作得好開心。
場地：The AIR（The ONE）
蔡穎恩服裝:b+ab 關楚耀服裝:SOPHNET.
陳柏宇被指精力旺盛，在外景車上不停彈結他唱歌。劇照
陳柏宇出外景玩到癲
《童》劇起用年輕演員，大家既後生啱嘴形，但關楚耀忍不住笑說：「陳柏宇真係好煩。」蔡穎恩亦有同感：「陳柏宇不停唱歌講嘢唱歌講嘢，直到拍完為止。」關楚耀又謂：「我哋晨早零六通告，大家都好眼瞓，化好妝就上車出發去拍攝場地，當大家喺車上瞓緊覺嗰時，陳柏宇就彈結他唱歌，仲同我哋講『喂喂，呢首歌好聽呀！』佢實在太有精力。」蔡穎恩無奈說：「我都算係可以陪到佢癲嗰個喇，但最後我唔得，真係好眼瞓。」
from:
http://hk.apple.nextmedia ... 150206/19030645
