遲到影響慶功宴進度，G.E.M.親手做曲奇餅作補償。
前晚「新城勁爆頒獎禮2014」許志安苦撐五個多小時，就是要等到乘船由澳門返港的G.E.M.（鄧紫棋）上台拎獎後，安仔近凌晨12點半才能上台獻唱，等至聲沙的安仔對於大會拖時間等G.E.M.，他說：「等唔緊要，畀我唱先，12點半唱係辛苦啲。」之後歌手們凌晨1點火速現身九龍灣慶功會場。
當一眾歌手到達慶功會場，卻遲遲未影大合照，原來G.E.M再遲到45分鐘，令慶功宴延遲開始，G.E.M.被問為何遲到？她說：「完咗落房執個妝就嚟，Sorry，我唔知點補償，我整咗啲曲奇畀大家。」她直言無新歌仍得四獎感意外，但不會思考獎項背後定義。
一眾歌手於慶功宴會場再久等G.E.M.45分鐘才能影大合照。
安仔苦等到聲音沙啞才能上台唱歌。
朱明銳批祖兒忘恩
新城高層朱明銳則解釋G.E.M.有歌在流行榜播放，對於容祖兒缺席，他不滿指英皇安排祖兒此刻登台，他即場重提去年祖兒得獎：「舊年我要25號去紅館先頒獎畀佢，佢係冇遷就（26號頒獎禮）檔期延遲開騷，但偏偏1月1日叱咤頒獎禮佢就到9點半先開騷。」今次英皇成大贏家，他坦言仁至義盡：「如果今年祖兒返嚟再出席叱咤，我哋新城會好傷心，過往支持祖兒所有行動被佢辜負咗。」當他數祖兒期間，又不時用中指摔鼻。
至於薛凱琪受訪時左耳戴耳機，她解釋最近忙於國語碟錄音，令失聰問題復發，聽到嘈雜聲音耳仔便痛，待下月中才有空求診。對於房祖名被起訴，她顯得不願多談：「我覺得聽日嘅祖名一定好過噚日嘅祖名。」
採訪：王連連、馬建華
攝影：沈健程、陳順禎、陳志嵐
今年無新歌派台卻連奪四獎，G.E.M.說不會想獲獎背後意義。
容祖兒若出席今年叱咤頒獎禮，朱明銳指會傷心不忿。資料圖片
【慈母上身】張敬軒一頸鮮血
關心時事的張敬軒前晚以一頸鮮血裝現身頒獎禮，他表示嘔心瀝血製成這名為「慈母」造型，臉上血管是銅線再以特技膠水固定，他笑指全晚不敢亂動，怕會拮爆血管，問到「慈母」可有保護孩兒？軒仔說：「成日都保護人，見到啲需要好好保護嘅人咪保護囉。」他說稍後繼續以化妝主題亮相頒獎禮，會否有主題叫「暗角」？他說：「諗緊，着衫唔一定要靚，可以畀到人一種感受，都係一種message。」
from:
http://hk.apple.nextmedia ... 141228/18983184
