性感人妻謝安琪，最近接受新挑戰，勤練功夫做武打女星。
謝安琪（Kay）前晚在演藝學院為花火音樂會演出，最近Kay為了拍戲經常要練習吊威吔和學功夫，不過她曾經做過4次補肺手術，所以練習時要格外小心，她說：「吊威吔的確好痛，尤其係我個肺傷過，其實嗰啲吊威吔紮住腰封，係會chok親我肋骨，導演都好好，佢特登安排我訓練時間，睇吓我適唔適應到，有冇學到嘢去保護自己。」
Kay為了拍攝效果好，可以擺出好功架，所以向老公張繼聰學習和勤練功夫，她說：「識同唔識功夫嘅人爭好遠，點樣擺個架，手踭係沉踭，好多嘢睇，佢（張繼聰）喺屋企攞好多珍藏出嚟，係功夫界別嘅珍藏，同我細心研究，話好多女演員都做得好，好似章子怡咁，佢擺嘅姿態，會睇到有嗰種令人信服嘅魅力，仲話我係短途速成，但要聰明地走精面，主力學呢啲！」
採訪、攝影：文國駿
from:
http://hk.apple.nextmedia ... 141204/18956675
